جوايا شخص تاني.. ازاي أحس إني أفضل؟

Grape_74080 🇪🇬

منذ أسبوع واحد

شعور شاعر بالملل

هل فى طريقة تخليك تحس انك افضل .. انا شخص حياته مرتبة جدا .. بس من جوايا انسان تانى منطلق بيحب السفر والهوايات .. انا شخص اربعيني .. بس جوايا شاب صغير .. عنده طاقة للحب والعاطفة .. انا ايامى مكررة .. وجوايا شخص رافض ده كله .. خايف على الشخص اللى جوايا يموت وفى نفس الوقت زهقت منه .. لانه دايما مش عاجبه حياتى الفعليه .. حد ليه تجربه مشابهه؟

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

تعبان أوي ومش لاقي حد أفضي له | اكتئاب أولي طب

انا منزل الappدا من زمان بس دي اول مره انزل عليه مشكله بجد ليا انا لسا طالب في سنه اولي في كلية الطب انا مقضيتش كتير من حياتي الدراسيه لسا ببتدي بس مش عارف ليه فجأه ابتدي يبقي عندي اكتآب بالشكل دا فجأه لقيت روتين يومي بقا بيتعاد هو هو مفيش جديد في حياتي من الجامعه للبيت والمذاكره بقيت بخاف اخرج برا البيت عشان لو حبيت اراجع حاجه اعرف اراجعها بسرعه انا بجد تعبان اوي انا معنديش اصحاب كان غندي صاحب واحد ويعتبر اكتر من اخويا بس بقينا شبه اغراب ويشاء القدر اننا نكون مع بعض في نفس الجامعه ونفس الكليه بس دي مش مشكله بالنسبالي ولا حتي الوحده مشكله انا مشكلتي ان حتي زعلي دا مش عارف اخرجه برايا ولو حاولت مش هلاقي حد يسمعني بقيت حاسس ان الدموع ساكنه علي ابواب عيني مستنيه اي فرصه عشان تخرج والله معرفش اني هش وسهل الكسر بالشكل دا انا كنت فلكر اني اجمد من كدا انا وحدتي مش مضايقاني انا مصاحب نفسي انا اللي مضايقني بس اني مش لاقي حد اقوله عاللي جوايا حتي علاقتي بربنا وحشه اوي ومش بصلي وبعمل عاده زي الزفت مش عارف ابطلها حاسس ان حياتي بقت جحيم متعب اوي المشكله اني بكتب دا وانا عارف ان مفيش نصيحه هتنفع معايا بس قولت اهو علي الاقل ابقي حاسس اني خرجت اي حاجه من جوايا آسف اني طولت عليك كل دا (شكرا انك سمعتني للآخر🤍🤍) ...عرض المزيد

4 الدعم

5 نصيحة