عشت فترة من حياتي فاكر إن الحنية هي إني أمتص غضب اللي قدامي مهما كان غلطان كانت بتحصل معايا مواقف غريبة جداً.. أبقى قاعد وشايف الطرف التاني بيغلط في حقي أو بيكدب عليا أو حتى بيقصر في أبسط واجباته تجاهي ولما أقرر بكل هدوء إني أعاتب أو أقول أنا زعلان فجأة الآية تتقلب لقيت نفسي قدام شخص انهار فجأة بدأ يشتكي من ضغط أعصابه وبدأ يقولي إنت ليه دايماً بتضغط عليا؟ إنت معندكش رحمة؟ إنت مش شايف أنا بمر بإيه؟ في لحظة كنت بنسى وجعي أنا.. وببدأ أطبطب عليه هو كنت بجري أجيب مية وأعتذر إني فتحت الموضوع وأقول لنفسي معلش يمكن أنا جيت في وقت غلط المهم هو ميزعلش الصدمة اللي فوقتني اكتشفت بعد وقت إني بقيت رهينة بقيت بخاف أتكلم عشان الطرف التاني ما يتعبش اكتشفت إن ابتزازه العاطفي بيبدأ لما يحسسني إن زعله هو مسؤليتي أنا مش نتيجة أفعاله هو. هو يغلط.. وأنا اللي أشيل ذنب نكده طلعت من التجربة دي بدرس غالي اللي بيحبك بجد هيخاف على جرحك أكتر ما يخاف على صورته وهو غلطان محتاج أسمع رأيكم.. نخرج من الدائرة دي إزاي؟ أنا حكيت تجربتي بس سؤالي ليك/ـي عشان نستفيد من بعض إزاي نفرق بين الشخص اللي تعبان بجد وبين اللي بيمثل التعب عشان يهرب من المواجهة؟ لو حد غالي عليك بيعمل كدة بيقلب الترابيزة بالمسكنة تتعامل معاه إزاي من غير ما تخسره ومن غير ما تخسر نفسك؟

2

1