يعني كده إيه؟ إنتي كنتي شايفة كل التفاصيل الصغيرة اللي أنا كنت بحاول أعملها عشانك… وكل ده ضايع في الهوا؟ إنتي مش لازم تقولي “مش عايزاك” بصراحة… صح؟ ساعات مجرد نظرة أو رد متأخر كفاية تقول كل حاجة… بس ليه استغلتيني؟ يعني “مش فاضية” معناها فاضية لغيري؟ “زي أخويا” يعني الباب مقفول من بدري؟ “مش جاهزة لعلاقة” معايا أنا، بس مع حد تاني جاهزة بعد دقيقة؟ “نسيت أرد” معناها أنا في آخر الأولويات؟ و“انت تستاهل أحسن”… يعني بكل بساطة، مش شايفاني اختيارك؟ ولما تلعّبي بـ “هنشوف” و“بعدين”… كنتي بس بتسحبي وقت، مش بتدي فرصة. ولما حطتيني في خانة “أصحاب”… كنت شايفة إني طيب… بس مش راجل ليكي. ولما تمنعيني من أبسط حاجة من يومك… مكانتي عندك كانت صفر. بس الموجع أكتر… إنك استغلتِ حُبي. استخدمتي ثقتي… ادخلتي حياتي وبعدين تروحي تبلغي المدير والمشرف بخططي كأنها لعبة؟ يعني أنا فقدت علاقة؟ لأ… أنا فقدت احترامي. هو ده اللي بتمثليه؟ حد يستخدم مشاعر حد ويجرحه… وبعدين يفتكر إنه عادي؟ هو ده اللي يعتبر طبيعي؟ أنا اتعلمت الدرس… أنا ما غلطتش إني حبيت، الغلط إني حبيت حد ما يستاهلش. وإنتي؟ بالنسبة لي… ما تستاهليش حتى كلمة خير أو شر. يعني بصراحة… هل ده عدل؟ هل ده احترام؟ هل ده حب؟ ولا بس استغلال؟ أنا؟ أنا ما خسرتش حب… ولا علاقة… أنا بس خلّصت من إنسانة غلط. وانتي؟ هل فهمتي ده؟

2

1