معتقدش ان حد ممكن يقرا بس محتاجه اتكلم امبارح كان اسوء يوم ف حياتي كل ما افكر فيه احس اي العبط ال انا بقولو دا انا مدايقه من اي بس فعلا انا عيطت كتير اوي اول مره اعيط قدام حد ف الشارع كدا كنت نازله مع صحابي عادي عشان اتصور ل عيد ميلادي وانا عمري ما انزلت اخرج لعيد ميلادي عشان علطول ف امتحانات وبردو السنه دي هو ليله امتحاني ف نزلت بدري نخرج ونتصور وظبطت كل حاجه وكنت متحمسه جدا وببعد تفكيري عن كل القرف الي ف حياتي ب اني افكر فاليوم والي هيحصل فيه بس جه اليوم وكان كل حاجه بتبوظ وبدات انهار اللبس موصلش التورته مش بتتعمل صحابي مش فاضيين كل حاجه بعدها اتظبطت واللبس وصل يومها وجبت التورته وخلاص صحابي ظبطو نفسهم لبست ببص لنفسي فالمرايه باللبس الي بظبطلو بقالي شهر لقيت اي القرف دا كل الي حواليا قعدو يقولو حلو اوي وانا مكنتش طايقه شكلي وعيطت هدوني ونزلت بشكلي وكل شويه ابقا هعيط روحت اخد التورته لسه بفتحها لقيتها مش زي الصوره الي مختاراها خالص وشكلها وحش اوي صحبتي كانت معايا فضلت تهديني وجيت اتصور فالمكان الي انا عايزاه لقيتو قفل وروحت مكان تاني بفتح التورته لقيتها كلها باظت انهارت وصحبتي كلمت اختي وفضلو يهدوني مفكريني بعيط علي تورته وانا تقريبا فاهمين لما تحصل حاجه تافهه تدايقكو ف تلاقو نفسكو بتنهارو علي كل حاجه اتجاهلتوها انا كل حاجه اتجاهلتها وانا بفكر ف عيد ميلادي اتراكمت عليا وطلعت ساعتها وكل الي حواليا شايفيني تافهه رجعت البيت غيرت وفضلت ماسكه نفسي من العياط ونزلت مع صحابي غصب عني عشان ميزعلوش لقيتهم بدل ما يفرحوني شويه ويعملو اي حاجه تبسطني بعد ما يومي باظ جابو صحابنا الباقيين الي انا مش برتاح معاهم فضلو قاعدين معانا وانا قاعده ف جمب ساكته وكل شويه حد يسالني مالك وانا اقولهم مفيش حاجه مش قادره مبينش واضحك معاهم لاني مش مرتاحه ومش كويسه وكل ما اقولهم اني مش عايزه حاجه يبقو هيدايقو مني ف اعملها غصب عني عشان ميزعلوش مع انهم مهتموش لزعلي كل اهتمامهم ان يومهم هما ميبوظش مع ان انا يومي كان اسوء يوم ف حياتي ومحدش حس بيا رجعت البيت نمت 12 ساعه صحيت اتغديت مع عيلتي عشان ميزعلوش ونمت تاني فضلت اهرب من التفكير ف الي حصل بالنوم

3

15