كنت راكب ميكروباص وكان هيتقلب، واللحظة دي هزّتني. مش خوف وبس… صحوة. حسّيت إن في طريق كنت ماشي فيه لو كمّلت فيه مش بس كنت ممكن أموت، كنت ممكن أضيع نفسي وأنا عايش. كنت ناوي أشرب سجاير، وأدخل في حاجات غلط، مش لأن ده أنا، لكن لأني كنت محتاج أحس إني مرغوب ومتحب. بس الحقيقة إن الإحساس ده لو جه من سكك غلط بيسيبك أفاضي أكتر. بعتذر لنفسي علشان ضغطت عليها وسحبتها لحاجات مش شبهها. وبعتذر لأي حد كنت ممكن أظلمه وأنا مش ثابت ولا صادق مع نفسي. قولوا عليّا زي ما تحبوا، ضعيف، متلخبط، مش مثالي… بس أنا عارف نفسي، وعارف إن الشخص اللي جوايا أحسن من اللي كنت ماشي ناحيته. اللي حصل مش صدفة، وكان ممكن يبقى نهاية، بس ربنا اختار تكون بداية. مش بوعد إني ما أغلطش، لكن بوعد إني ما أكذبش على نفسي، وبختار أرجع لنفسي، حتى لو الطريق بطيء، بس يكون طريق نظيف.

5

0