حاسس إني لازم أعترف… يمكن علشان اتأخرت في الفهم، ويمكن علشان فجأة لقيت نفسي واقف قدام حقيقة وجعتني: أنا خسرت كتير. خسرت ناس كانت بتختارني بجد، وخسرت moments كان ممكن أتصرف فيها أحسن، وخسرت حب كان نضيف وصادق… حب أنا مكنتش مقدّره زي ما يستحق. كنت فاكر إني فاهم وعارف أحدد مين معايا ومين لأ، بس الحقيقة إن كتير من اللي عملته كان بدافع التردد، أو الخوف، أو يمكن إني كنت بدور على الاهتمام في مكان غلط. اتعلقت بحد ماكانش ثابت، حد كان بيجي وقت احتياجه بس… ومع ده كله تجاهلت الشخص اللي كان شايلني بصدق، وكان بيقف جنبي من غير ما أطلب، وكان شايف قيمتي وأنا نفسي مكنتش شايفها. اللي بيوجع بجد مش إن حد يمشي… اللي بيوجع إنك تكتشف إنك كنت ماسك في اللي مش ليك، وسيبت اللي كان نفسك يتسند عليه. أنا مش ملاك، ومعنديش أعذار… بس عندي درس كبير اتحفر جوايا: ماتمسكش باللي بيظهرك وقت مزاجه، وما تفرّطش في اللي كان بيظهرك وقت ضعفك. ومبقتش حابب اصلح غلط بغلط اكبر

3

2