أعلن التوبة عن الفيس بوك.. بوظ حاجات في دماغي

Coconut_52562 🇪🇬

منذ 3 ساعات

شعور لا مبالٍ

اعلنها وبثقه ان الفيس بوك دا اعبث منصه مرت عليا في حياتي واعترف انه بوظلي حاجات في دماغي فعلا من اللي بقراه كنت بقول لنفسي اني كدا كدا مش مقتنع ف هي قراءه من باب الفضول لكن بعترف وبكل اسف انه فعلا اثر على تفكيري وخلاني اغبى في بعض الاراء ف بعلن التوبه عنه وعدم فتحه الا لو هنزل صوره وخلاص على كدا ومن هنا بقدم نصيحه مفيش حاجه بدتخل فيها الا لما تاثر عليك والله اعلم ان كان بالسلب او الايجاب وهنا نفهم حكمة ربنا لما حرم القراءه في كتب السحر او الابراج او القراءه عنها من باب الفضول سبحانك ربي ما اعظمك

** هل يجوز نشر صورتي على السوشيال ميديا؟ 🧕 **

السلام علیکم هل يجوز وضع صورتي على وسائل التواصل الاجتماعي ؟ السؤال ده ممكن يخطر في بال ناس كتير، وكنت حابة أتكلم عنه لأنه موضوع مهم بصراحة، ما كنتش أعرف رأي الدين فيه بشكل واضح، فبحثت فيه عشان أشارك اللي عرفته، ويمكن حد يستفيد. الموضوع ليه مبدأ مهم، وهو فكرة "الفتنة"، يعني أي شيء ممكن يؤدي إلى تأثير غير مرغوب فيه أو يلفت الانتباه بشكل غير مناسب، فمن الأفضل تجنبه. تعالوا ناخد مثال ربنا قال في القرآن الكريم: فلا تخضعن بالقول فيطمع الذي في قلبه مرض". المعنى هنا مش إن المرأة ما تتكلمش لكن يكون كلامها معتدل، من غير تصنع زائد أو أسلوب ملفت. وده لأن في بعض الحالات، ممكن طريقة الكلام تؤدي إلى جذب انتباه غير مرغوب فيه. ونفس الفكرة ممكن تنطبق على الصور. لما أي بنت تحط صورة، غالبا بتختار أحسن صورة ليها، وبتظهر فيها بأفضل شكل طبيعي جدًا إن الواحد يحب يكون في أحسن صورة، لكن لازم نسأل نفسنا: هل ده ضروري؟ في فرق بين إن حد يشوفك في الشارع وأنتي رايحة محاضرتك أو شغلك، وبين إن صورتك تكون موجودة لفترة طويلة قدام ناس ممكن تركز في تفاصيلها أكثر من اللازم. ده غير إن الصور دلوقتي غالبا بتكون معدلة بفلاتر وزوايا تصوير بتظهر الشخص بأفضل شكل ممكن، وده ممكن يلفت النظر بطريقة أكبر من الطبيعي طب إيه الحل ؟ في بنات بتختار إنها ما تحطش صورها خالص، وفي بنات بتختار تحطها لكن مع تقييد من يشوفها من خلال إعدادات الخصوصية. في ناس بتخلي صورها متاحة فقط للأهل والأصدقاء المقربين، وده حل وسط كويس. في بعض الحالات، ممكن بنت تحط صورة شخصية وهي متأكدة إنها محترمة، لكن برضو ممكن تكون ملفتة لشخص آخر من غير ما تقصد. ده شيء بيختلف من شخص للتاني، وعشان كده فكرة ضبط الخصوصية بتكون حل عملي جدًا، عشان الواحد يكون مرتاح وما یکونش مصدر لأي لفت نظر غیر مقصود. كمان في حاجة تانية بعض البنات ممكن تحط صور لبنات أجانب كنوع من التعبير عن النفس، لكن برضو ده ممكن يكون فيه تأثير غير مقصود، لأن الفكرة مش بس في مين في الصورة، لكن في التأثير اللي ممكن تسببه. الخلاصة: الموضوع مش بس مرتبط بالصورة نفسها، لكن بتأثيرها وإزاي الناس ممكن تتفاعل معاها كل واحدة حرة في اختياراتها، لكن المهم إننا نكون واعيين بتأثير تصرفاتنا ونحاول نتصرف بحكمة. في الآخر، كل واحد مسؤول عن اختياراته، وربنا يهدينا جميعًا لما فيه الخير مغبتش عنكم كتير بس و كان معاكم(H) 🎀 ...عرض المزيد

5 الدعم

0 نصيحة