عندي فضول فظيع أعمل إيه في رسالة طلبات المراسلة؟

Strawberry_71981 🇪🇬

منذ 6 ساعات

شعور غبي

يا جماعة في رسالة مبعوتالي في طلبات المراسلة مضمونها : (اقبلي الرساله بس اقولك علي حاجه وبعد كده لو عايزه تردي ماشي مش عايزه خلاص) الرسالة من ولد يعني وعندي فضول فظيع انا لو عملت قبول وهو بعت اللي هو عايزه اكيد مش هرد عليه بعد كده بس اكون عرفت يعني اعمل ايه؟؟ راعو اني عندي فضول بجد حطو نفسكو مكاني

ولد في الجامعة بيبص لي.. عاوز ايه؟ محتاجة نصيحة!

السلام عليكم ورحمه الله وبركاته انا طالبة في الجامعة من سنة كان فيه ولد صاحبتي معجبة بيه خالص و كانت بتحكيلنا بس انها بتحبه وخلاص يعني مشاركتهوش الشعور هي محترمة جدا البداية بقى ليا في سكشن من السكاشن كنا قاعدين ولاد وبنات في وش بعض بس بعاد عن بعض لقيته بيبصلي جامد بس صاحبتي اللي معجبة بيه كانت جنبي فقولت عادي بيبص عليها مش عليا اكيد و كل سكشن من السكاشن يعمل كدة ويبص عليا وانا اتجاهل في آخر السنة اللي فاتت بدأ يمشي ورانا هو واصحابه بشكل غير ملحوظ يروح نفس الاماكن في الكلية نقعد يروح قاعد نمشي يقوم بعدنا. بدأت سنة جديدة وبقالنا شهرين بس الفرق إن السنة دي بدأ يتهبل و يبقى جريئ شوية اول حاجة اول ما ببعت حاجة على جروب السكشن بيكون اول حد شافها ثانيا بيبصلي و بيضحك و أصحابه بيكونوا مركزين حرفيا و موزعين نفسهم بطريقة مرعبة كأننا متراقبين بقى يقعد جنبي في المكان اللي بقعد فيه وبيضحكلي بوضوح مرة دخل السكشن وسط الناس و الدكتور و بصلي وضحك . مع العلم هو متكلمش ولا قالي هو عاوز ايه خالص وبقاله سنة بيبص و بيضحك و ابتسامات و لف ورانا في الكلية هو واصحابه و كل مرة بقول بيتهيألي بدال متكلمش خلاص بس انا هموت واعرف هو عاوز ايه من كل ده وليه مبيتكلمش مع العلم اني شخصيتي صعبة شوية يعني عصبية و مش بسمح لحد يكلمني كلام مش ع مزاجي و كذا ولد كلمني يعرض عليا الارتباط وانا رفضت و صديتهم و منهم ٣ من صحابه بس قبل ما يبقوا صحاب انتم كولاد بتعملوا كدة عاوزين ايه و نصيحة بجد عشان يبطل اللي بعمله من غير ما أكلمه لأني تجاهلت و التجاهل مش نافع. و انا قائلة لصاحبتي كل ده ومش ناسياها ومراعية مشاعرها فياريت محدش يقول كلمة ملهاش لازمة ...عرض المزيد

8 الدعم

11 نصيحة