بص يا صاحبي.. الاكتئاب ده عامل زي صاحب السوء اللي قاعد معاك ليل نهار وعايز يهد فيك. والمشكلة الحقيقية مش في الاكتئاب نفسه، المشكلة إن الواحد يستسلم ويرخي إيده. أنا عارف إن في كلام كتير بيتقال في الموضوع ده، وحاولت ياما أقنع بيه غيري، بس أنا شخصياً مش مقتنع.. يمكن عشان تجاربي في الحياة كانت صعبة وكلها خبطات؛ لا دراسة نفعت، ولا صحاب صانوا، ولا شغل عدل جالي، ولا حتى حب كمّل. بقيت شايف إن ده حال أغلب الناس، وطاقتي في العافرة خلصت. بقيت بفضل أتفرج على الدنيا في سكات، روتين يومي بقى باهت وعادي، ورغم إن المسؤولية اللي ورايا كبيرة، بس خلاص.. مابقاش عندي الدافع اللي يخليني أقوم وأتحرك

2

4