عمرك صدقت ان في حد موجود وانت معندكش اى دليل ع انه موجود! طيب فكرة انه يتزرع جواك الشعور دا وانت مش عارف دا حصل ازاى ..يمكن شعور الوحدة برغم وجود ناس كتير حواليك بيخلق جواك أمل ف المجهول انه هيجي حد مختلف عنهم عارفك كويس من قبل م تتقابلو فاهم لغبطك و كلامك ساعات الى بيبقى عكس الى انت حاسس بيه فاهم اد ايه انت خايف.. شخص هو أرحم بيك من نفسك ومن الدنيا.. هو مش خايف تظهر نقط ضعفك وعيوبك قدامه لانه بيحبك كلك ع بعضك مش بيدور ع حد فول اوبشن هيحبه عشان مميزاته ويبعد لما يكتشف عيوبه بالعكس يمكن هو يخليك تشوف حاجات حلوة فنفسك مكنتش واحد بالك منها..حد عايزك انت عشان انت انت بكل ما فيك مش مضطر تبذل مجهود عشان تكون حد تانى عشان يحبك .. شخص بيعرف يحس عنده مشاعر طبيعية متلوثتش يمكن يكون شخص من عالم تانى او من عصر قديم اوى لما كان الشعر لغة المحبين .. عارف.. يمكن ميجيش مش ضرورى تقابله لكن مجرد تخيل انه موجود و الأمل الى بيتجدد جواك وبيموت كل يوم كفيل يخليك تعرف تكمل مع الناس الى حواليك وحيد وسطهم ومتونس بالأمل..

0

5