من ساعة ما الجماعة اخترعوا جملة الاهتمام ما بيتطلبش واحنا عاملين فيها تقال اوي وبنعيط بالليل على المخدة طب ليه يعني انا فاكرة وانا صغيرة كان عندي كوتشي بينور ويعمل صوت كنت بنزل مخصوص اتمشى بيه واشاور للناس واللي ما ياخدش باله اقوله ايه رايك في الكوتشي ده مش جامد وكنت بتبسط اوي لما يقولوا حلو ولا كنت حاسة اني قليلة كرامة ولا داخلة استجدى اهتمام كنت طفلة طبيعية بتحب تتحب وتتقالها كلمة حلوة كبرنا فجأة وبقينا لازم نبقى غموض ولو حد ما ركزش معانا نقول عادي مش فارق وهو فارق والله الحقيقة ان الاهتمام بيتطلب عادي نطلبه وناخده ونتبسط بس مش من اي حد ماشي في الشارع ومش من حد مش شايفنا اصلا لا من الناس اللي في حياتنا اللي مبسوطين بوجودنا واللي لو قلنا لهم قولي كلمة حلوة يضحكوا ويقولوها من قلبهم مش ضعف انك تقول محتاجة اهتمام الضعف انك تموت من جواك وتقول مش فارق فا لو عايزة اقولك شايف انا حلوة قد ايه هقولها عادي ولو مش شايف عادي برضه بس متقنعنيش ان السؤال نفسه عيب

3

9