سريعا كده.. علشان تقدر تتعايش مع اللى حواليك، متصدقش اى حاجة يقولولك انها فيك، المهم انت شايف نفسك اى، بدام انت شايف نفسك انك مش زي ما بيقولوا و انك تمام يبقي صدق نفسك انت تمام، بس متخليش عقلك في وقتها يقعد يقولك هو انت بجد كده فعلا؟ و تقعد تفكر، لأن ده تفكير مميت بالنسبة لصاحبه، صدقني أغلب اللى حواليك بيكلموا عادي، يعني ساعات مش بياخدوا بالهم انهم بكلامهم مثلا بيجرحوك أو بيجرحوا مشاعرك او بيتعبوا نفسيتك، بس أهو نصيبك جاي كده و لو اتكلمت يبقي انت الوحش، ف تمام عادي نستحمل زي كل مرة مش هيحصل حاجة، اى هنكتم زيادة عن طاقتنا؟ يا عم و ماله، و اهي موتة ولا أكتر، و اهو يبقي أريح كمان نرتاح و نريح لو موجودنا تاعبهم أوي كده💔 بقيت حاسة ان من كتر الكتمان تركيبتي الطبيعية باظت، أنا المفروض حاليا اكون بعيط على اني موجوعة على حاجة عملتها النهاردة، بس الغريب اني بعيط على حاجة تكاد تكون تافه لا و الله بجد هي فعلا تافه، معقول وصل بيا الحال اني مبقتش أستحمل اى حاجة، معقول يكون مشاعري باظت من كتر التراكمات و الكتمان من صغري، طب ونا ليه مخلوقة شخصية كتومه، ليه بدام ده متعب اوى كده، هو { لا يكلف الله نفسا إلا وسعها} ايوه و الله فاهمة بس انت ازاى يا رب شايف اني قوية كده، لا و الله انا مش كده خاالص انا حرفيا هاااشة جدا، أى حاحة بتكسرني، ده بس مجرد قناع بتعاييش به💔

2

3