انا دايما خايفه اقرب اي حد مني مش عشان خايفه ياذوني بس عشان مش متقبله اني اقرب حد ونرجع نبعد عن بعض، دا خلى علاقاتي بالناس اللي حواليا حقيقي صعبه اوي و محدوده ودايما حاطه حدود مبالغ فيها حتى لو الشخص كويس بس دايما بفتكر اني قولت على اللي قبليهم ناس كويسه برضو وادينا بعدنا ايا كان بقى المشكله فيا ولا فيهم بس بجد ببقى خايفه من اي حد يحاول يقرب مني، حتى الشخص الوحيد اللي نفسي اكون معاه من زمان لما بدا يلاحظني ويتكلم معايا بقيت خايفه منه وعلى طول بطلع فيه عيوب مش موجوده غير في دماغي عشان اكرهه وابعد قبل اصلا ما نقرب، بقيت بكلمه بطريقه كفيله تخلي اي حد لو سمعها بس يكرهني، اول ما احس ان اي حد اخد عليا وقربنا ببتدي يا اما اتجاهله يا اما اكرهه فيا عشان يبعد عندي واكون ريحت دماغي وجت منه، الموضوع مخوفني بس بجد مريحني ومخليني مش بتعرض لوجع خالص يعني احيانا بحس ان اللي بعمله مش صح والمفروض اثق شويه في اللي حواليا بس برجع اقول كده احسن وانا محافظه على راحة بالي وقلبي وعايشه في peace بعيد عن الناس، بس الموضوع بدا يكبر وحاسه اني ماڤوره ولازم اتوجع عشان اتعلم ودي حاجه مخوفاني اكتر.

1

10