كنت بدي انزل ملف على drive واكتشفت انه full فقررت اخفف شوي منه او ع الاقل استخدم ايميل تاني ارفع عليه وانا عندي كتير ، بس لو عملت log out من التطبيق ودخلت بايميل جديد رح احتاج الباسوورد اللي انا ناسييته ، وبقدر ارجعه عادي بس الايميل قد ما هو full ما بيوصله رسائل ف ما رح اقدر اعرف الكود اللي رح ينبعت عليه ... ف سألت chat GPT كيف افضيه لو شوي مشان توصلني يس هالرساله. حكالي انه احذف الرسائل القديمه من خلال اني ابحث عن تاريخ معين "before " واحددهم كلهم واحذفهم بما انهم قدام ومش رح يفرقو معي ... بس بلشت اعمل زي ما حكالي لقيت كثير رسائل رجعتلي كثيييير ذكريات . وللأسف كلها ذكريات حلوه مع ناس راحت الشعور اللي حسيته وقتها ؟ اني مستعده ادفع كثييير مقابل ترجع هديك الايام ويرجعو معها هالاشخاص... ما في بيشبه كيف كان التعامل يلي اتلقاه وقتها ، هون ادركت انه جملة " الدلال بيخرب" فعلا صح... انا بتأثر بسرعه وما برضى بأي غلط مهما كان صغير انه يصدر بحقي ، وبزعل على اشياء طفوليه لما ببلش احس باني قريبه من الاشخاص بحياتي لاني جد تعودت اتدلل واتراضى حتى لو كنت انا الغلطانه ، ف ما بالكم لما يكون الغلط صغير مثلا !!! وبكل صراحه؟ كل بنت بتستحق تتعامل كانها اميرة ... وانا لحد الآن مستعده اخسر كل حد مش شايفني بستحق هيك معاملة .. لانه في مين شايفني هيك ومستعد يكون امير ويعاملني هالنوع من المعامله .. بالنهاية فعلا ، ما في شخص رح يقدر يعاملنا بمستوى هو مش قادر يوصله.... ف مش رح اتغير يا أمير .. ما بعرف هو كان طبعي من الاول ولا انت عودتني .. بس انا كنت كثير مرتاحه وقتها ولاقيه نفسي تماما معك..

4

1