الشخص الوحيد اللي فعلاً لازم يعتذر… هو أنا. أنا اللي دخلت مشاعر مش جاهز ليها، وسمّيت الاهتمام حب، مع إنه من غير استقرار ولا استعداد… بيبقى مجرد فراغ بنحاول نملّيه. اتعلمت إن الحب من غير أساس… من غير شغل ثابت… من غير مسؤولية… بيتحول لعبء بدل ما يكون سند. وأكتر درس وجعني وفهّمني الدنيا كويس هو إن: ومن تعلّق بغير الله عُذّب به. لأن أي حاجة نستند عليها غير ربنا… بتكسرنا قبل ما تسندنا. مكنش لازم أسمح لحد يتعلق بيا وأنا لسه بدوّر على نفسي. ولا أسيب حد يشيل نتيجة اضطرابي أو فراغي. وبنات الناس مش لعبة… ولا مساحة أجرب فيها قوتي أو ضعفي. واللي عملته—حتى لو عن غير قصد—اتعلمت منه كتير. وبصدق… لو في حد زعلته، أو وجعته، أو حمّلته حاجة مش ذنبه، يارب يسامحني، وعلى قد ما أقدر… مش هكرر نفس الغلطة تاني.

4

0