اللي ضامن وجودك عمره ما هيقدّرك. اللي عارف إنك مبتعرفش تزعل منه، هيفضل يزعل فيك ويجي عليك طول الوقت. واللي مش مهتم بوجودك، غيابك مش هيحس بيه، ومش هيفرق معاه لا دلوقتي ولا بعدين. والعلاقات اللي بتكسر قلبك، وتقلّل من قيمتك، وتخليك دبلان… دي بالظبط العلاقات اللي لازم تسيبها وتمشي. مفيش حد فينا مستحمل وجع مالوش لازمة، ولا طاقة تتبذل على ناس مش شايفة قيمتنا. الموضوع ببساطة: هي حبتني حب ناضج حقيقي. شافت فيّ الأب والأخ والحبيب والزوج والابن. كانت بتعاملني بحنية أمي، وجدعنة أختي، وحنان جدتي. وكانت مستعدة تعيش معايا في أي وضع وبأي طريقة، تكون سند وظهر وحياة. وكانت كمان بتحذرني منها، تقولّي: “خلي بالك منها”، وأنا ما سمعتش. وبسبب الإيجو، وبسبب واحدة استهترت بيا ومقدّرتش، خسرت الإنسانة اللي كانت شايفة قيمتي قبل ما أنا نفسي أشوفها. والوجع الحقيقي إنك تدرك إن كل اللي ضاع… ضاع بسبب اختيار غلط. إنك آمنت بحد كان لازم تبعد عنه، وضيعت حد كان بيحبك بصدق. الناس اللي مش مقدّراك مش هيفرق معاهم إنك تروح أو تبقى، ولا تعبك ولا حضورك. واللي ضامن وجودك… مش مكانك عنده. ـ وهي؟ كانت بتحبني أوي… كأخ على الأقل، بس الحقيقة كنت معمي عنها، وما شفتش الحب اللي كان موجود قدامي إلا بعد ما فات كل شيء.

0

1