انا مصريه و قاعده في سلطنه عمان و قاعده غصب عني عشان اهلي و متغربه وانا مش عايزه اقعد هنا انا قعدتي هنا خنقتني حاولت اقولهم اني انزل اقعد في مصر بس كل م اجي اقولهم يزعقولي و بالذات مامتي انا عارفه انها عيزانا كلنا سوا وكده بس انا مش عايزه كده انا بتعلم تعليم سفاره و اخويا بيتعلم تعليم عماني و مامتي معاه في المدرسه هما اتعرفو علي ناس هنا ف حابو البلد انا محبتها انا معرفتش غير قليل اوي هنا انا بقيت انطوائيه جدا اول مجيت هنا مع اني كنت اجتماعيه موت في مصر بس الغربه العملت فيا كده انا بقالي داخله في خمس شهور وانا هنا ولسه متأقلمتش وعايزه انزل مصر المصبرني انها كلها سنتين و ننزل نعيش تاني في مصر انا من ساعت مجيت هنا وانا عرفت كل واحد علي حقيقتو من صحابي انا مش بعرف اعمل صحاب خالص اصلا و حاسه ان مفيش حد شبهي وكله بيبعد عني أو بمعني أصح محدش قريب مني او العيب مني ممكن اكون مش بعرف اتعامل انا محدش سأل عليا من ساعت م سافرت غير اتنين تلاته دايما انا البسأل انا الاهتم محدش بيهتم بيا نفسي حد يعاملني زي م بعاملو ده غير مشاكل اهلي و مشاكل الدراسه و الخناقات و الزعيق انا تعبت انا واحده عندها احساس انا نفسيتي بقت صفر مش عايزه اي حاجه غير اني اقعد في مكان و ارتاح لوحدي و اكسر في الدنيا بس والله ده كل الطلباه او نفسي في حد يقعد يسمعني حد يفهمني حد يحتويني نفسي ابقي طبيعيه انا حاسه اني عايزه اروح لدكتور نفساني بس مش عايزه اعرف حد عشان ميقولوش اني مريضه بس انا والله م مريضه انا بس محتاجه حد يفهمني و افضفض براحتي من غير محد يقولي انتي غلط او انتي صح اتكلم و حد مستمع بس ده كل الطلباه انا والله مش مريضه انا بس حاسه اني هبقي مرتاحه وانا بطلع الكلام ده للدكتور هو هيفهمني من غير م يعايرني تبقي مرتاحه وانا بطلع الكلام انا جوايه كلام كتير اقوله بس وقت تاني

1

8