يا جماعة، حابب أفضفض معاكم في حاجة بقيت بلاحظها ومضايقاني جداً.. هي فكرة 'انتقائية الشلل' أو الـ In-group dynamics. ​بجد بقى مستفز جداً إنك تدخل مكان (سواء شغل أو تجمع اجتماعي) وتلاقي ناس واخدين على بعض، بيهزروا ويضحكوا وممكن يكونوا متجاوزين حدود كتير مع بعض، لكن أول ما حد من بره 'الشلة' يحاول يندمج بكلمة أو بهزار بسيط، تلاقي الوشوش اتغيرت فجأة! ​بيتحولوا فوراً لشخصيات رسمية (Professional) بزيادة، ويحسسوك بنظراتهم إنك 'غريب' أو إنك 'You are out of our league'.. متهزرش معانا، إنت مش مننا! ​أنا اتعلمت من المواقف دي إن فعلاً لازم الواحد يلبس قناع الـ INTP (الهدوء، الانعزال، والتحليل من بعيد) مع ناس كتير. مش تكبراً، بس حفاظاً على كرامتي وطاقتي. ليه أحاول أندمج مع ناس قافلين على نفسهم وبيمارسوا نوع من 'النفاق الاجتماعي' اللي بيحلل الهزار لناس ويحرمه على ناس تانية؟ ​بقيت بفضل إني أكون 'براهم' بمزاجي، وأحافظ على حدودي الرسمية، لأن النضج علمنا إن قيمتنا مش بنستمدها من قبول 'شلة' لينا، لكن من احترامنا لنفسنا ووضوحنا مع اللي شبهنا بس. ​هل حد فيكم مر بالموقف ده قبل كده؟ وإزاي قدرتوا تحافظوا على سلامكم النفسي وسط أجواء 'الإقصاء' دي؟"

1

0