بالنسبة للصلاة يا شباب يقول النبي صلى الله عليه وسلم العهد الذي بيننا وبينهم الصلاة فمن تركها فقد كفر والعياذ بالله بص انا مش هقولك اعمل ذنوب براحتك بس علي الاقل بلاش ذنب ترك الصلاة لأن مش ذنب ده كفر انت ممكن تعمل ذنوب وتموت علي الدين الاسلامي وربنا يسامحك بس الي اكيد تركك للصلاة ودخولك في خانة الكفر هيكون حاجة هينه يقول النبي صلى الله عليه وسلم اول ما يحاسب عليه الفرض يوم القيامة هي الصلاة تعالوا بقي نقسم الصلاة الصلاة المفروضة ركعتين الفجر -- اربع ركعات الظهر -- اربع ركعات العصر -- ثلاث ركعات المغرب -- اربع ركعات العشاء السنن الرواتب ودي بتبقي مع صلاة الفرض وتقسم الي ركعتين قبل الفجر -- اربع ركعات قبل الظهر واتنين بعده -- ركعتين بعد المغرب -- ركعتين بعد العشاء بيحيث إجمالي 12 ركعة السنن النوافل ودي عبارة عن أي قيام الليل وده اي عدد ركعات زوجي وتختم بركعة وتر فردي زي ما تحب والليلة ليها وتر واحد بس بمعني احنا داخلين علي رمضان لو هتصلي قيام ليل غير التراويح ما تصليش معاهم ركعة الوتر في التراويح صلاة الضحي ودي وقتها من بعد شروق الشمس وحتي قبل الظهر بساعة تقريبا صلاة الخوف والاستسقاء والاستخارة وكفارة الذنوب لان النبي صلي الله عليه وسلم قال ما من عبد يذنب ذنبا فيتوضا ويحسن الوضوء ويصلي ركعتين الا غفر الله له فيه بقي صلاة اسمها التسابيح ودي عبارة عن ركعتين أو أكثر كيفما احببت وهي عبارة عن انك بعد قراءة الفاتحة والقرآن تقول سبحان الله الحمد لله الله اكبر لا اله الا الله 15 مرة وتركع وتقولهم 10 مرات وتقوم من الركوع تقول 10 مرات و تسجد وتقول 10 مرات وتقعد بين السجدتين تقول 10 مرات وتسجد تاني وتقول 10 مرات وتقوم من السجود قبل ما تقف تقعد كانك بتقرا تحيات تقولهم 10 مرات يبقي 75 مرة وتكرر كدا في الركعة التانيه بس اخر 10 بتقولهم بعد التحيات ودي كفارة لكل ذنوبك إن شاء الله والله اعلي واعلم الصلاة المحرمة بقي وهل فيه صلاة محرمة اه فيه وهي الصلاة بين المغرب والعصر وقبل الظهر بساعة يعني وقت غروب الشمس ومن الساعة 11 لحد الظهر الصلاة فيها حرام قراءة القرآن من مصحف أو هاتف بس تكون عامل وضع طيران مباحة عادي جدا لو واكل ثوم أو بصل أو اي اكل.ذا رائحة ما تروحش تصلي في المسجد لو دخلت لقيت جماعة بتصلي ما تصليش لوحدك صلي كانك راجل عجوز بتحرك جسمك بالعافية مش لهوجة وسرعة وتوضا كانك شباب بتاخد دش في بحر اغسل جسمك كويس الوضوء باطل إذا خرج منك ريح أو ما شابه ولو نزفت دم من اللثة أو مناخيرك باطل وثيابك تكون طاهره يجوز المسح علي الشراب لو في مكان مش هقدر اقلعه بس يكون مغطي كعب رجلك وكعب الرجل حتي العظمة الي طالعة من الجنب مش الي تحت يجوز الصلاة بالحذاء لو نضيف من اي رواسب اوفضلات لا تسبق الامام بالصلاة حاجات كتير بس انا دماغي مجمعة دول دلوقتي ربنا يبارك فيكم اه يقول الله تعالي أن الصلاة تنهي عن الفحشاء والمنكر ويقول النبي من لم تناه صلاته عن فعل المنكر وتامره بالمعروف فلا صلاة له احذر تكون بتصلي وتؤذي حد أو تعمل حاجة مخالفة للشرع الله ربنا يحفظكم جميعا واسف علي الإطالة ولو حد عنده سوال يتفضل

6

1