تبقى بتقرأ في القرآن تلاقي "والذين إذا فعلوا فاحشة أو ظلموا أنفسهم".. و تكمل شوية عشان تعرف حصلهم إيه.. تلاقي الرد "أولئك جزاؤهم مغفرة من ربهم وجنات"!!! فترجع تاني تتأكد إنك قريت صح.. وإن فعلا الناس اللي عملوا فاحشة أو ظلموا أنفسهم هما هما الناس اللي ليهم مغفرة وجنات تجري من تحتها الأنهار! تلاقي إنك فعلا قريت صح.. هما هما نفس الناس.. بشرط واحد بس بيفصل بين الأعمال دي و مغفرة ربنا و جناته!! إنهم لما غلطوا افتكروا ربنا واستغفروه ولم يصروا على ما فعلوا. اوعى تستكتر ذنوبك مهما كبرت واوعى تيأس من رحمة ربنا "كل بن آدم خطاء" وخيرهم مش اللي بيعمل ذنوب أقل لأ، "وخير الخطائيين التوابون" اللهم اجعل خير أعمالنا خواتيمها، وخير أيامنا يوم أن نلقاك. { وَٱلَّذِینَ إِذَا فَعَلُوا۟ فَـٰحِشَةً أَوۡ ظَلَمُوۤا۟ أَنفُسَهُمۡ ذَكَرُوا۟ ٱللَّهَ فَٱسۡتَغۡفَرُوا۟ لِذُنُوبِهِمۡ وَمَن یَغۡفِرُ ٱلذُّنُوبَ إِلَّا ٱللَّهُ وَلَمۡ یُصِرُّوا۟ عَلَىٰ مَا فَعَلُوا۟ وَهُمۡ یَعۡلَمُونَ (135) أُو۟لَـٰۤىِٕكَ جَزَاۤؤُهُم مَّغۡفِرَةࣱ مِّن رَّبِّهِمۡ وَجَنَّـٰتࣱ تَجۡرِی مِن تَحۡتِهَا ٱلۡأَنۡهَـٰرُ خَـٰلِدِینَ فِیهَاۚ وَنِعۡمَ أَجۡرُ ٱلۡعَـٰمِلِینَ (136) } [سُورَةُ آلِ عِمۡرَانَ: 135-136]

6

1