أنا شوفت عبث من اغلب البنات قولت أشارك.. #منقول ايه موضوع فانوس الزيت اللي طلعتولنا به مرة واحدة ده؟ وايه التلميحات الغريبة اللي منتشرة بينكم دي، وليه ممكن تجبري راجل بيقبض من 5-7 آلاف في الشهر -ده متوسط الأجور دلوقتي- يجيبلك حتة حديدة بـ 2500 ولا 3000 جنيه عشان تتبسطي بها ساعتين وتركنيها باقي العمر في النيش! فيه بنت منزلة في جروب بتقول بقالي أسبوعين بلمَّح لخطيبي بفانوس الزيت والنهاردة لقيته جاي جايبلي بوكس فيه فانوس عادي وإسدال و... و.... إلخ وأنا بصراحة متضايقة يا بنات اتصرف ازاي؟ رديت بقولها طيب ما تطلبيه من والدك زي ما طلبتيه من خطيبك ولا اشتغلي وهاتي حاجتك لنفسك ترد تقولي "لا ماطلبهوش من بابا ده رفاهيات وغالي كمان المفروض هو اللي كان جابهولي" المفروض!!! هو مين اللى فرضه معلش!!!؟ يعنى انتِ مش عاوزة تطلبيه من والدك اللي مسؤول عنك ورايحة تطلبيه من خطيبك اللي ملكيش أي حق تطلبي منه أي حاجة (لأنه مش زوجك)!!! مش بيقبض 7 !! أنا مش بنظَّر على حد ولا بقولك ميجبلكيش بس سيبيه هو يتصرف بنفسه يجيب اللي على قد مقدرته مش تروحي انتِ تجبريه على حاجة ممكن هو يجيبهالك عشان يراضيكِ ويمشي باقي الشهر بيخبط دماغه في الحيط عشان الأقساط اللي طالع عينه فيها عشان يتجوزك!! ارحموا يرحمكم الله

2

2