بتعامل إزاي مع الوحده والإحساس بالانبوذ؟

Avocado_59765 🇬🇷

منذ 3 أسابيع

شعور لا مبالٍ

بتتعاملو ازاي مع الوحده... لي ديما بحس اني منبوذ ف جميع العلاقات مش عارف اتعايش مع حاجة انا راضي ومقتنع بحياتي نوعا ما لكن بسح اني مش ماشي مع باقي الناس مع ان دايره المعارف كبيره بحكم الشغل والسفر وكدا لكن دايره العلاقات مش بتدوم وصغيره جداا

حاسه بالوحده وسط أهلى وصحابى - حتى وانا معاهم!

حاسه انى لوحدى دايما وسط أهلى وصحابى بحس انى طرف تالت ف اى علاقه عارفه انهم بيحبونى بس بلاقي نفسى حاسه انى غريبه وسطهم لوحدى يعنى لو غبت مش هيلاحظوا غيابى غير بعد فتره اخويا الكبير مش بيحبنى دايما يقلل منى شايفني وحشه وانا معملتش حاجه والله امى دايما بتفضلوا بتصرفاتها وترجع تقول بطلى هبل كلكوا واحد بس لا مش واحد احساس انى بنت وحيده ده وحش اوى احساس انى بحاول أقرب ل حد لاقى نفسى ببقا طرف تالت هامشيه كده تعبانه وقلبى بيوجعنى من احساس الغربه من كلوا اعمل اى واحد تعب اوى ...عرض المزيد

3 الدعم

3 نصيحة

وحيد وعندي 27 سنه ومحدش اختارني

حاسه اني لوحدي اوي كل صحاب بلا استثناء اتجوزوا ومعاهم عيال أنا عندي ٢٧ سنه وعمري مرتبطت في حياتي ولا حد اتقدملي وتعبت من احساس اني غير مرغوب فيا حتي لما حد بيقرب مني بلاقيه بيختار حد غيري أنا تعبت بجد ...عرض المزيد

5 الدعم

2 نصيحة

مش عندي صحاب وحاسه بالوحده - ليه الدنيا عامله معايا كده؟

انا عندي مشكلة، من وانا صغيرة وأنا مليش صحاب خالص يعني مليش حد احكي معاه أي حاجة كلهم كانو وقتهم وخلاص وهم اللي كانوا بيعتبروني كده مش أنا قعدت مع صحابي في المدرسة 12 سنة ومفضلش حد منهم معايا خالص، مكنش في حد فيهم بيحكيلي على حاجة او يعزمني على حفلة او أي حاجة كنت دائما لوحدي حتى في الانشطة اللي كنا بنعملها برضه كنت ببقى لوحدي. عدت السنين وقولت لنفسي هتلاقي صحاب في الجامعة وهتعوضي اللي حصلك واصبري. حصلي مشكلة اسرية جامدة أوي اثرت عليا اكتر ما أنا متأثر عليا، ملحوظة أنا مكنتش كده وانا صغيرة بالعكس أنا كذا حد يقولي انه بيحب يقعد معايا واني عندي جاذبية وكده فا اللي هو أنا مش مريضة ولا فيا حاجة علشان يبعدو عني ولا توكسيك مثلا بالعكس يعني. المهم دخلت ثانوية عامة و الموضوع كان صعب عليا جدا بجد لأني غيرت مدرستي ودخلت مدرسة تانية فا كنت بروح دروس كده زي أي حد يعني واتعرفت على شوية بنات وكانو وقتهم برضه وانا كنت عارفة كده. المهم دلوقتي أنا في الجامعة بس مش عارفة ايه اللي حصلي بقي الموضوع معايا اصعب واوحش مبقتش عارفة اتكلم مع حد بمعنى الكلمة ولما جيت أتعرفت على حد كانت شلة كده بنات وولاد و الموضوع كان لذيذ في الأول. كان معانا بنت كده دبت معاهم خناقة وانا دخلت في الخناقة بالغلط كده علشان بقف جنب صحيتي وحده وخلص الموضوع على أننا بعدنا عن بعض خالص والشلة اتفركشت ودلوقتي ما تبقاش غير أنا وواحدة صحبتي بس وانا بقى من ساعتها مش عارفة ايه اللي حصلي مبقتش عارفة اتعرف ولا اتكلم مع حد خالص وبقيت دائما لوحدي و الموضوع مضايقني أوي بجد ان البنات كلها مبسوطين وبيضحكو وانا حرفيا بعيط على حالي ده. أنا مبقتش فاهمة أنا فيا ايه بالظبط ومش عاوزة احكي لمامتي علشان مقلقهاش على الفاضي وبجد بعد ما كنت بحب الجامعة جدا وحاسة ان اسامي هتتحول ونبقى احلى من أيام المدرسة بقيت بكره اليوم اللي بنزل فيه الجامعة علشان بقعد لوحدي وبيبقى شكلي وحش وبحس الناس بتشفق عليا. أنا مش عارفة الدنيا بتعمل معايا كده ايه مع اني والله ما اذيت حد عمري أنا اللي كنت بتأذي والله من الناس كلها. أنا عاوزة تفسير للي انا فيه دا علشان بجد تعبت وحالتي النفسية بقت اضعاف اضعاف وحشة. ...عرض المزيد

8 الدعم

11 نصيحة