مطلقة وحامل وندمانة على الجواز

Question

بتطلق وحامل وحاسه احساس وحش اوي انا لسه متجوزه من اربع شهور بس وانا للي عاوزه اتطلق بس حاسه اني خلاص مبقتش انا القديمه بتاعت زمان قبل الجواز حاسه ان الجواز دا بوظلي حياتي او يمكن اختياري الغلط هو للي بوظلي حياتي بس مش قادره استوعب انا كنت قبل الجواز بنوته جميله مرغوب فيا محدش بيشوفني غير ما يعجب بيا ومعايا بني ادم مش محسسني بدا نرجسي متكبر بقعد اقول لنفسي كان ممكن ميبقاش دا مصييري لو كنت صبرت شويه ومتجوزتش الشحص دا ....يا ريت الزمن يرجع بيا بس اربع شهور اربع شهور بس يا ربي حصل فيهم كل دا جواز وحمل وطلاق حاسه اني اتحولت من بنت جميله لواحده مطلقه ومعاها عيل يعني خلاص معدش مرغوب فيا حاسه اني موت نفسي بالجوازه دي بقعد افتكر كلامه وعمايلو في الخطوبه واقول ازاي كملت معاه ازاي مسبتهوش ازاي اتجوزتو ندمانه احساس الندم تاعبني اوي ندمانه اني اتجوزت حاسه اني خسرت نفسي من الاخر

Banana_79321 🇸🇦 · Accepted Answer

يمكن ربنا ابتلاكي علشان يشوف هتتصرفي ازاي 
يمكن دي المنحه اللي هتخليك تفوقي 
وتعيد التفكير في حياتك 
في رغباتك 
في اهدافك 
اولا لازم تقبلي وترضي بقضاء الله واعرفي من الزمن عمره ما بيرجع 
وحاولي تستفيدي من الازمه دي على المستوى النفسي والعقلي 
لانك لو عرفتي في الاخر انتي مين وعايشة ليه ومين اللي خلقك وخلقك ليه
ده ممكن يكون اعظم اتصاراتك

Jackfruit_78060 🇪🇬 · Answer

الزمن مبيرجعش بس الطلاق مش نهايه العالم 
محتاجه ترجعي تحبي نفسك تاني و تعيشي حلو مع البيبي ده لان ده هديه من ربنا ليكي 
متزعليش و خليكي قويه بقى كلنا جنبك

Ice Cream_31046 🇪🇬 · Answer

ده النصيب واقدارنا مكتوبه في اللوح المحفوظ قولي الحمدلله وتاكدي انه خير
رب الخير لا يأتي إلا بالخير

Ice Cream_82622 🇪🇬 · Answer

ربنا يعوضك بالاحسن ويكتبلك الخير قولي الحمدلله

Pistachio_55168 🇪🇬 · Answer

سبب الطلاق ايه؟

Avocado_80950 🇪🇬 · Answer

انا مبقتش عارفه العيب في مين معقول في بنات كتير كده زينا

Strawberry_74808 🇸🇦 · Answer

انتي مش هتعرفي تطلقي الألما تخلفي علي حد علمي الطلاق لا يقع علي الحامل استني شويه الطلاق مش هيطير يمكن لما يكون اب ينصلح حاله وانتي كمان تهدي هرموناتك لو لابد منه خلاص هتتاقلمي وشوفي ناس عندهم نفس التجربه واعملي زيهم شوفوا ازاي تتأقلموا

Strawberry_82002 🇪🇬 · Answer

شكرا علي الدعم دا 🌸

Avocado_82887 🇪🇬 · Answer

+ واحد

Strawberry_82002 🇪🇬 · Answer

الحمد لله

Strawberry_82002 🇪🇬 · Answer

شخص نرجسي وذكوري جدا وبياذيني نفسيا بالكلام وعلطول قاعد في البيت مبيتحركش فاتح محل تحت البيت ومشغل حد فيه وبس كدا

Pistachio_55168 🇪🇬 · Answer

معلش يعني ايه نرجسي وذكوري؟

Nutella_81987 🇪🇬 · Answer

انا اتطلقت من واحد ابن أمه بعد مشاكل كبيره وكنت حاسه اني اتدمرت وخلاص محدش هيكون عايز يتجوز ست ومعاها عيل يعني بس اكتشفت أن الجواز مش ده الحياه كلها الحياه فيها حاجات كتيره وبعدين أصحابنا عدو ال ٣٠ ومش راضيين يتجوزو واللي تستعجلون ندمو واتطلقو يعني خير طبعا بس لو عنده عيوب ينفع تعديها اوك لكن أنا كنت ف مشاكل منه ومن أهله يعني محدش عدل فيهم اضطريت انطلق

Strawberry_82091 🇪🇬 · Answer

ممكن توتر الحمل مأثر على سلوكك

Avocado_79710 🇩🇿 · Answer

قدر الله ما شاء فعل نصيب ، و لكن من قال انه لا يمكنك العيش بسعادة بعد الان ؟ بلى يمكنك المطلقة ليست عيبا و لا عارا ولا حرام يمكنني رؤية حياتك من زاوية اخرى و الرجوع لنفسك القديمة و ابنك ليس حاجزا لكونك سعيدة بل العكس يمكنكما العيش بسعادة معا و لربما تتزوجين ثانية من يدري

Strawberry_82002 🇪🇬 · Answer

هو برضو الام مسيطره عليه وعلي البيت كله وبيحكي ليها كل صغيره وكبيره

Strawberry_82002 🇪🇬 · Answer

كنت تعبانه بسبب الحمل وغثيان وضعف ومش قادره اقف علي رجلي ويقولي انتي بتتدلعي ما غيرك بيشتغل وهو حامل وبيروح ويجي انتي مش اول واحده تحمل يعني