Candle_86280 🇪🇬
منذ 5 أيام
.
شعور خجول
في الفترة دي، بقيت ألاحظ نفسي أكتر… مش علشان عندي مشكلة ولا حاجة، بس لأن في تفاصيل صغيرة فيّ بدأت أحبها. بقيت أحب هدوئي اللي بيطلع فجأة وسط الزحمة، وطريقتي في إن أضحك على حاجات بسيطة محدش بياخد باله منها. بقيت أحب إن عندي قلب لسه بيحس بالحاجات بسرعة، حتى لو ببان عليه القوة من برّه. بقيت أكتشف إن أنا شخص مختلف… عندي لحظات بكون فيها طفلة بتضحك على نكتة ملهاش معنى، ولحظات تانية بكون فيها إنسانة واقفة مع نفسها وقفة صدق. وبصراحة؟ اللي اتنين عاجبيني. أنا مش كاملة، بس ماشية على الطريق اللي بيعجبني… وباخد كل خطوة بطريقتي. يمكن متهورش كتير، ويمكن أحب الهدوء زيادة عن اللزوم… بس ده أنا، وأنا بدأت أحب النسخة دي جدًا. ✨🖤
3
8
