بدأت صفحة جديدة وقطعت أصحاب السوء

Tomato_87686 🇪🇬

منذ 3 أسابيع

شعور خجول

بدأت صفحة جديدة مع بداية السنة الدراسية: بطّلت خناقات، وبطّلت مخد.. رات، وبطّلت معكسات، وقطعت أصحاب السوء، وركزت في دراستي. واكتشفت في نفسي قوة وإرادة ومسؤولية وطموح ما كنتش شايفهم قبل كده. اللهم: وفّقني في دراستي ونجّحني، واهدِ كل اللي نفسه يتغير لطريق أحسن لو في اي نصيحه انا موافق ❤

كنت حاسس إني مش فارق ومحدش بيحبني

أعترف أني وصلت لمرحلة صعبة جدًا، مرحلة حسيت فيها إن حياتي مش فارقة، وإن كل حاجة ضدي. كنت شايف إن مفيش فايدة من وجودي، وإن كل اللي حواليا بيكرهوني أو على الأقل مش عايزني معاهم. الكراهية دي كنت شايفها واضحة في عيون مديري وزملائي، وكنت مفسر كل كلمة أو تصرف ضد وجودي. لكن اللحظة اللي وقعت فيها، واللي فكرت أسيب الدنيا، كشفتلي حاجة مختلفة. شفت إن نفس الناس اللي كنت حاسس بكراهيتهم، وقفوا جنبي. المدير اللي طول الوقت حاسس إنه قاسي عليا، اتوتر جدًا وحاول يهديني. زملاء كانوا بيتفرجوا عليا ببرود، فجأة بقوا خايفين عليّ كأني أخوهم. حسيت للحظة إن حياتي ليها قيمة حتى عند الناس اللي ما توقعتش ده منهم. اللي فهمته إني كنت محاصر نفسي في قفص من أفكاري السودا، ومش شايف غير الجانب المظلم. يمكن ده اسمه اكتئاب، يمكن حرمان عاطفي، يمكن قسوة مني على نفسي. بس اللي متأكد منه إن الحياة لسه بتديني علامات إن في فرصة أبدأ من جديد. يمكن أنا غلطت إني فكرت أنهي حياتي، بس التجربة دي علمتني إني مش لوحدي زي ما كنت فاكر. لسه في ناس بتمد إيدها، حتى لو من غير قرابة أو مصلحة. يمكن دي رحمة من ربنا ليا عشان أصحى قبل ما أغلط الغلطة الكبيرة. ...عرض المزيد

4 الدعم

0 نصيحة

تعب جوايا مش لاقي له مخرج والدنيا تقيلة عليا

"فيه تعب جوايا مش لاقي له مخرج.. كل يوم بصحى وأنا حاسس إن الدنيا تقيلة عليا أكتر من اللي أقدر أستحمله. ناس كتير حواليّ بس الإحساس بالوحدة مش بيفارقني. بحاول أبين قوي وضحكة على وشي، بس الحقيقة إني من جوا مكسور ومخنوق. نفسي أرتاح يوم واحد من غير ما أحس إني محاصر بالهموم. فيه حاجات كتير وقعت مني: شغل، أحلام، وناس كنت فاكرهم هيفضلوا جمبي. واللي بيخليني أوجع أكتر إني مش قادر أنسى، ومش قادر أبتدي من جديد. كل اللي عايزه بس إني ألاقي سلام جوايا، وأحس إن الدنيا مش كلها وجع." ...عرض المزيد

1 الدعم

2 نصيحة

حياتي بقت متعبة وويقت لا يطاق

كل حاجه في الحياه بقت متعبه من وجهة نظري ويقت لا تطاق الاوفر ثينكنج طعبني بطريقه لا تطاق لدرجه اني بنام من كتر التفكير لوحدي حقيقي الحياه بقت ممله واكتشفت ان اغلب الناس اللي اعرفها ميستهلوش لدرجه اني بعدت عنهم كلهم وبحاول ابدا حياه واعرف ناس جميله ناس مش مستنه مني مصلحه او اي مقابل ناس عوزه تعرفني علشاني بس لا احنا بقينا في زمن كل واحد بيدور علي مصلحته بس مش مهم التاني حتا لو هتاذي الناس بقت جحده اوي ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

0 نصيحة