بدقق على تفاصيل الكلام ومحدش يفهمني

Strawberry_89628 🇪🇬

منذ ساعتين

شعور متعب

هو انا الوحيدة اللي بدقق اوي على تفاصيل الكلام وطريقة الكتابة وبتضايق اوي لما بلاقي حد بيكتب غلط و عنده أخطاء إملائية 🙂نفسي الاقي حد زيي ويفهمني نفسي الاقي حد تفكيره نضيف وعميق وراق مش زي باقي الناس.. أشارك أفكاري الغريبة من غير ما يفكرني غريبة او مجنونة.. بس محدش كدا خالص دلوقتي مع العلم انا 17سنة

الوحدة مش بس صعب.. هو شعور محرج ووجع بيتخلل الحياة

الوحدة شعور مش بس صعب ، هو محرج كمان ساعات بنلاقي نفسنا حاسين "بالذنب" لمجرد اننا حاسين بالوحدة ، لان للاسف احيانا السبب بيكون ان الناس اللي حواليك شايفين ومفهمينك ان( مادام في بشر في حياتك يبقى ملكش حق تحس بوحدة) اوقات تانيه البوح بالشعور بالوحدة بيخلي اللي قصادك يشوفك ضعيف .. مجرد شخص جعان اهتمام و عاطفة وحميمية و activities مع اي حد ( وان الشعور" بالحاجه العمياء" هو اللي بيحركوا، مش النضج ) في الحقيقة الوحدة مش مجرد غياب الشخص / الأشخاص اللي بت active معاه .. هي أعمق واقسى من كده ، لو قدرت تشوف شكلها جوا الانسان هتلاقيها من ابشع واقسى اللوحات اللي ممكن تشوفها ، ولو سمعتها هتبقى ارعب وأمَر سِنفونية في الوجود ؛ "الوحدة صندوق زجاجي بارد غير متصل بجسور الحياة يبحر في اللا شئ فاقد اخر زفيره الذي يُجهض معه دماء قصبته" ... للوحدة أشكال كتير طب والحل ..؟ مش سهل طبعا ، "الوجع" عمره ما بيخلص .. دايما بيتخلل كل تفاصيل الحياة ، يمكن احنا بنتوهم اننا تجاوزناه، الحقيقة اننا بنتشاغل عنه بس .. يمكن أصدق حاجه محتاجنها بجد ( حب حقيقي) مش هقولك زي ما الفطرة او الإنسانية بتنص عليه .. لان في شئ اقوى منهم بالأخص في الجانب دا من الحياة .. الا وهو " الصدق الشفاف السالم " .. محتاجين حب صحي نقي يرمم تصدعات الوحدة بس السؤال اللي بيفضل قائم .. هل الحب اصلا موجود .. ولا من شدة نقائه ذاب واندثر في العدم منذ لحظته الأولى؟؟ اتمنى يكون موجود ...عرض المزيد

3 الدعم

6 نصيحة