Chocolate_52580 🇪🇬
منذ يوم واحد
.
شعور وحيد
بوست الصياح الدوري،. كمله لو سمحت لو انت تالته ثانوي اهلا 🫡 تالته ثانوي عاملين ايه أنا كنت مراكم كتير بس بيقلوا مع الوقت و إنشاءالله على يوم الاربع الجي هيكون فاضلي حبه قليلين متراكمين يا رب الاسبوع يمشي على خير و يكمل الجدول على خير، اه خلاص عملت جدول البركه مش جايبه همها فعندي نصيحتين و سؤالين ♦️نبدأ بالسؤال♦️ ♦️الاول ازاي بتلموا العربي هل مستر (م.ص) المراجعه بتاعته كافيه ولا لازم اتفرج على بتاعة (ر.ف) ولا اصلا الاتنين مش كافين ♦️التاني ازاي بتلموا الانجليزي برضه هل في مراجعات حلوه عن تجربه على اليوتيوب ؟ خلصت الاسئله أنا مش اجمد حد ينصح بس قولت اقول يعني بص لو انت مراكم أو حتى فعلا لو لسا مبدأتش و عمال يجيلك افكار تأجيل او أنا كدا كدا مش هعرف أو مش هوصل لحاجه، فكل دي افكار طبيعية بس ارميها على جمب بجد و ابدأ، و ابدأ من دلوقتي حرفيا متستناش اعمل جدول لمدة اسبوع و حط حصص و مذاكره و حط مواعيد و دوس على نفسك اسبوع اتنين تلاته بعدها هتظبط معاك و فعلا من جواك هترتاح، فكك من الحاجات العبثيه الجواك العايز تثبتها، صدقني ابدأ و هتسلك معاك بس كدا شكرا
1
0
