انا جاي النهاردة مش عشان أشكي أنا جاي أشارككم بصيرة وصلت لها بعد تجربة كسرت فيا حاجات كتير بس بنت فيا روح جديدة ​كنت فاكر إن الحب الصادق هو إنك تخلص بكل جوارحك لدرجة إنك تروح لربنا في جوف الليل وتدعي إن الإنسانة دي تكون من نصيبك وبالاسم.. كنت فاكر إن ده قمة الوفاء لكن الصدمة كانت في رد الفعل؛ لما عرفت بدل ما تطمن خافت وبعدت وكأن صدقي مع ربنا بقى حمل تقيل عليها أو حاجة بتضايقها ​أنا اتعلمت الدرس: الحب الحقيقي والمطلق والكامل مينفعش يتوجه لمخلوق.. الحب ده لله وبس ​اتعلمت إن القلب لما بيتعلق بزيادة بمخلوق ربنا بيغار على قلب عبده فبيوريك من المخلوق ده اللي يخليك ترجع لربك تاني ​اتعلمت إن الدعاء ده سر وسكينة بيني وبين السما مش كارت بنعرف بيه حد إننا بنحبه لأن البشر أحيانا مبيتحملوش قدسية المشاعر دي ​اتعلمت إن اللي يضايقه إنك بتدعي ربنا بيه يبقى هو أصلا مش شبه روحك ولا يستاهل السجدة اللي نزلت فيها دمعة عشانه ​أنا دلوقتي في مرحلة تحرير قلبي.. أنا بحب ربنا اللي دلني على الطريق ده وممتن للتجربة اللي عرفتني إن البشر مهما كانوا هما مجرد بشر بيخافوا وبيترددوا وممكن يهربوا من الصدق ​وزي ما قيل زمان: "ألا كل شيءٍ ما خلا الله باطلُ".. كل تعلق بغير الله هو وهم وضياع للوقت والمشاعر. ​سؤالي ليكم: هل حد فيكم مر بالمرحلة دي؟ مرحلة إنك تكتشف إن مخزون الحب اللي عندك كان المفروض يتوجه للخالق مش للمخلوق؟ وإزاي قدرتوا تحافظوا على قلوبكم نقية بعد صدمة زي دي؟

1

4