انا متجوزه واحد كان مدمن وعشت معاه ايام حلوه بس الاصعب اكتر بكتير بقالي ١١ سنه متجوزه وكنت بحبه جدا وانا جايه من بيت اصلا مشتت وقولتله علي كل حاجه صعبه عديت بيها من اول شغلي اللي اشتغلته وانا عندي ١٥ سنه بسبب هروب ابويا من البيت واختفاءه سنين غير معاملته الوحشه ليا من زمان من ضرب واهانه وطبعا شغلي علشان اعرف اصرف مع امي وعدت سنين واتغربت في محافظه تاني واشتغلت واتعرفت علي جوزي واتجوزنا رغم عدم موافقة اهلي اعتقاد مني اني هتلم من الشغل والمرمطه واتجوزت وانا عندي ٢٨ سنه بس لقيت سلسلة كوارث متتاليه من مخدرات وخيانات وحاليا هو في السجن بقاله ٥ سنين وانا لسه بشتغل علشان ادفع ايجاري واعرف اعيش مع التزامي بالزيارات ليه واخوه هو اللي بيصرف علي الزيارات فقط رغم انهم مقتدرين لكن ملهمش دعوه بيا انا اصلا تعليمي متوسط دبلوم يعني لكن مع مرور السنين ودراسه تبع شغلي او بشكل شخصي بقيت بقدم دعم نفسي للاجئات اللي اتعرضوا لاغتصاب اثناء عبورهم من بلدهم بسبب الحروب وصولا لمصر الحقيقه ان الشغل مكنش مجرد حكايات بسمعها كان في التزامات تانيه كتير فضلت صامده ٥ سنين انا بموت كل يوم لاني مش شخصيه اجتماعيه اصلا وبحب العزله وكل حاجه عكسي طبيعة شغلي وجوازتي حتي حياتي كانت رحاله اتاذيت في كل المراحل اللي عديت بيها واخرهم كان جوزي لاني كان نفسي اعيش حياه مستقره وهاديه لكن شفت خيانات باصعب انواعها وعشت السجون والمخدرات انا مكمله معاه معرفش ليه خايفه اسيبه مش قادره اواجه مجتمع وابويا اللي هيبهدلني بعد الطلاق اللي مش عايز يسبني في حالي ومستني وقعتي ولا قادره اكمل مع خاين بنام جنبه وانا خايفه منه مش عارفه ايه مستنيني سبت شغلي حاليا بقالي ٣ شهور ومنتكسه نفسيا حاسه اني مش عارفه اكون موظفه كويسه ولا زوجه ولا نافعه نفسي باكل وانام ومستنيه الموت يجيلي وحتي ايجاري الفتره الجايه مش عارفه اتصرف فيه ازاي انا دلوقت اقل بكتير من اني اقف علي رجلي وتعبت من النصايح بتاعة قومي اطلقي قومي واجهي محتاجه اتشال مش اشيل مش قادره اعافر

3

15