تخيل كدا صحيت فجأة في أرض فاضية لقيت في كتاب قدامك انت مش فاكر اخر حاجة كنت بتعملها ايه عمال تفكر وتفكر وتعصر في دماغك مفيش اي حاجة جاية معاك حاسس ان اخر حاجة عملتها كانت من مدة طويلة بتبص حواليك بتلاقي في ناس بتجري وكل واحد ماسك كتاب في ايده ومش عارف هم بيجرو ليه بتبص علي الكتاب اللي في ايدك وتفكر تفتحه يمكن تلاقي جواه اجابة بتفتح اول صفحة وتلاقي مكتوب فيه فجر فجر عشاء فجر عصر مغرب ...... بتوقف حد بيجري جمبك بتقوله ايه كل اللي مكتوب دا بيقولك وهو بيصرخ من الندم دا كل فرض فوته من ساعة ما بقيت مكلف ازاي!!!!!! دي صفح كتيرة اوي كل فرض من دول وانت بتقرأه وبتقرا اليوم اللي فوته فيه بيحضر في دماغك كل اللي انت كنت بتعمله في وقت الصلاة ساعات كنت بتبقي ناسي وممكن تتعشم ساعتها ان رينا يسامحك فيه بس هتعمل ايه في الفرض اللي انت كسلت تصليه والفرض اللي انت كنت بتكلم فيه حبيبتك والاذان بيأذن والفرض اللي انت كنت بتتكلمي فيه مع صاحبتك عن صاحبتكم التالتة والشيطان بيزين كل الكلام دا في ذهنكم وبيخليكم فرحانين بانكم بتتكلمو عن حد مش موجود بتلاقي حد جمبك بيصرخ بصوت عالي "يا ويلتاه ما لهذا الكتاب لا يغادر صغيرة ولا كبيرة الا احصاها" حابب اطمنك لو انت بتقرأ الكلام دا دلوقتي فالفرصة لسه مفاتتش خلي المشهد دا في ذهنك وانوي قبل رمضان انك تتحرر من ذنوبك لانك لو فاكر ان الندم عن حاجة فاتك في الدنيا دا بيوجع للأسف الندم في الموقف دا بيوجع اضعاف ومفيش حاجة بتنفع

5

3