السلام عليكم كنت مخطوبة لمدة سنة ونص والحمد لله كنت ملتزمة بضوابط الخطوبة بس كان في تعلق وهو كان دائماً يقول إنه بيحبني ومايقدرش يعيش من غيري وكان بيقول الكلام ده قدام اهلي وأهله وكل الناس بس طباعه كانت صعبة شوية وعصبي زيادة وتعبني نفسياً كتير ومش هنكر اني تعبته لأننا ما كناش شبه بعض خالص لكن كنا بنحاول ننجح علاقتنا لحد ما جه وقت وحسين اني مش قادرة وانفصلنا بقالنا اسبوعين الفكرة اني تعبانه نفسيا اوي لأني كنت متعلقة بيه جدا وهو كان مالي حياتي مش قادرة اتخطي الإحساس الوحش اللي حاسه بيه ومش عارفه ابطل عياط اه انا اللي اختارت الإنفصال عشان حسيت اني مش قادرة استحمل عيوبه بس موجوعه ومش قادرة اتعايش مع احساس الألم ده ومش قادرة اعمل حاجة المشكلة اني عندي امتحانات ف الجامعة ومش عارفه اركز خالص ومش بذاكر ولا قادرة ادخل معلومات ف دماغي اصلا😭

32

8