قدمتلها كل حاجه وبترقص معايا سلوو وتخونني!

Question

تعمل ايه مع انسانة انتا قدمتلها كل حاجه في الدنيا ممكن حد يقدمها لحبيبتها بدون تخاذل يوم واحد وبترقص معاك سلوو وتاني يوم بترنلك مره واحده بتقولك احنا مش هينفع نكمل انتا مبتحبنيش بالطريقه الي انا عيزاها !!

Cheese_28254 🇪🇬 · Accepted Answer

يمكن هي بتحب نفسها بطريقه أفلاطونيه عايزه حب محصلش وحبك والحجات اللي انت قدمتها وشايفها بنسبالك كل ما في الدنيا هي بنسبالها ماراضتش جلالتها يمكن هتحبك بتلال من الدهب مثلاً!

Durian_52455 🇪🇬 · Answer

العمل فى إنك تسكت وتدى لنفسك فرصة إنك تفكر فى الطرف التانى بدال ماتدافع عن نفسك

علشان متظلمش نفسك ولا تظلم الطرف التانى.. إنت محتاج تعرف كويس اوى "إحتياجاااات" اللى قدامك
لإن فى أوقات كتير بنقدم كل حاجة -من وجهة نظرنا- بس من وجهة نظر الطرف التانى.. إنت مقدمتش اللى "أنا محتاجه"

Onion_52909 🇪🇬 · Answer

طب اذا كان رأي الشخص نفسه قبل كدا ان مفيش حد زيك هيهتم بكل تفصيلة وان مفيش حد زيك هيهتم نفس الاهتمام ومفيش حد زيك هيحب بالشكل دا ومع ذلك برضو حصل كدا

Durian_52455 🇪🇬 · Answer

اهتمامك بكل تفصيلة وحبك ليها بالشكل ده مش شرط يتوافق مع توقعاتها من الحُب اللى هى مستنياه منك!

مع العلم: وارد انها تكون واخدة حقها من الحب وزيادة.. وهنا لازم عقلك يشتغل ويرد على الصوت اللى بيقلل من قيمة حبك

Hazelnut_52786 🇪🇬 · Answer

ادي نفسك فرصه تانيه . وممكن تكون هي عايزه نوع من الحب والعشق الخيالي شويه .
اتكلم معاها بهدوء وحزم واختار الكلام بعنايه وانت بتتكلم معاها . 
في معظم الأحيان يعتقد الشخص الاخر انك مهما قدمت ليه من تضحيات او هدايا او اي أشياء 
دا قليل عليه جدا جدا ولازم تعمل اكتر من كده