تلت حاجات حاسس بيهم الفترة دي ملهمش علاقة ببعض بس حابب اشاركهم بجد 1. احساس الغربة والوحشة، ابويا عايش وشغال برا في السعودية وانا عايش في مصر في الطبيعي، كل سنة بييجي يزورنا مرتين تلاتة كدا، السنة دي اول مرة ميعرفش ييجي ف احنا اللي روحناله، هو وامي منفصلين من زمان ف طبعا امي مش معايا بس حاسس بالغربة علشان بجد انا عمري ما اعتبرت ابويا وجدي وجدتي عيلتي اوي، عارف ان ممكن ناس تشوفني جاحد او كدا بس انا فعلا مش قادر احس بدا، وبجد قاعد مش طايق نفسي ولا طايق حاجة بس يعني هانت اهو كلها اربع ايام ونرجع مصر 2. احساس اني ابقى تقيل على حد وانا بجد بحبه، الاحساس دا صعب اوي عامة بجد بيبقى نفسي اتكلم مع حد وارغي معاه كتير بس في نفس الوقت بحس اني تقيل عليه مع ان دا ممكن ميكونش حقيقي بس انا بحس بكدا بجد 3. العجز عن إني اساعد حد، النهاردة حد كان بيحكيلي مشكلة عنده وبجد هي كبيرة اوي مش حاجة صغيرة، انا حاولت اواسيه واهون عليه على قد ما اقدر بس بجد كان نفسي اوي اني اساعده مساعدة عملية بجد اي حاجة اعملها تساعد بس للأسف مفيش حاجة في ايدي، وفعلا الاحساس دا اكتر احساس مؤلم بالنسبة ليا بجد، اني اكون غضبان لحد ومتضايقله وحاسس بيه اوي وفي الاخر انا مش عارف اعمل اي حاجة بجد تساعده

0

4