خرجت بالسلامة. حسيت روحي ردت فيا من تاني انا لسة عندي ال safe space الوحيد حرفيا هي مصدر قوتي ، مبقاليش غيرها ، هي اللي بتقدر تقف ف وش الدنيا بحالها وتخليني اعمل اللي انا عايزاه ، بتخليني احس اني ف يوم من الايام هبقي حرة هي اللي تقدر تقف ف وش الكل وتخليني اسافر اكمل تعليمي لو جت الفرصة ، هي اللي بتقعد تسمعني من غير ذرة ملل واحدة وهي عمرها ماكانت مطالبة ب دا ابدا ، للاسف مخدتش المشاعر دي من امي ف هي عوضتني وكانت احلي عوض ، فعلا حسيت بقيمتها لما شوفتها علي سرير ف المستشفي وممنوع اني ادخلها واتكلم معاها لما دخلت اوضتها انهاردة وشوفتها فيها بعد كذا يوم انا كنت بدخل الاوضة دي واقعد اعيط حسيت اني عارفة اتنفس كويس كنت فاكرة ان بفقداني لاعز اصدقائي من 3 سنين انه نهاية الحياة اه انا معترفة ان دا كان من اصعب الحاجات اللي عدت عليا بس اكتشفت ان في اصعب من كدا في اصعب لدرجة اني مقدرتش اتخيل اني ممكن حاجة زي كدا تحصل واخسرها مقدرتش استحمل مجرد تفكير اني اكمل باقي حياتي واقدر اتعايش اني مش هعدي كل يوم اطمن عليها ، ولا اني هقعد معاها واحكيلها اللي حصل ف يومي ، ولا نقعد ننم علي خلق الله ف سهرة يوم اجازة ، ولا اني مش هنزل بعد الغدا واعملي انا وهي كوبيتين شاي ونقعد نتكلم شوية ، او اني لما احس بالخنقة او الهلع مش هجري عليها واترمي ف حضنها لحد ما اهدي هي مش مجرد جدتي بس هي بجد الشخص اللي حياتي ماشية وبتدور بفضل وجوده ربنا يخليهالي يارب ومدوقش وجع خسارتها

0

2