عندي مشاركه بسيطه كنت منزله البرنامج ده من سنتين كان لسه في بدايته ومكنش مشهور عرفته عن طريق شخص بيعلن عنه على انستجرام وكلامه عن البرنامج خلاني عندي فضول اعرف هل هوا فعلا مفيد وممكن استفاد منه ولا لا ونزلته وقرأت مشاكل موجوده هنا وقدمت مساعده وشاركت مشكله كانت موقفه حياتي وقتها ولقيتلها حل حتى لو مكنش حل قطعي ولكن الكلام الي اتقالي عرفني حجم المشكله وقدرت اتجاوزها والناس الى كانت فى البرنامج كانو قمة فى الإحترام والأخلاق وكل واحد بيتكلم بحدود ونادرا نسبة1%الي كان سيء ده لما كان فئة مستخدمي البرنامج قليلين جدا لكن للأسف دلوقت البرنامح فقد وظيفته الأساسيه والناس مبقتش بتستخدمه فى غرضه الأساسي وفي شباب سيئين ومش بيساعدو نهائي وموجود الفئه الى بتدخل البرنامج في وقت فراغ يتعرف على حد يشغل بيه نفسه واغراض كتير سيئه مش حابه أذكر اي حاجه منها معدش في حد بيساعد وكل حاجه اتقلبت بقت نسبة1%هيا بس الي كويسة وللأسف النسبة القليلة دي هيا كمان زمانها اتقفلت من البرنامج من كتر مابيتكلمو مع نماذج سيئة. الكلام الي بقوله ده مش عشان حاجه ومفيش سبب. الكلام ده جوايا فكتبته وبكتبه عشان انا فعلا حزينة على الحال الي وصلنا لي جماعه بالله عليكو ركزو مع نفسكم شوية دي مش أخلاق بجد وافتكرو ان الإنسان لا شيء فى الكون ده وانها دنيا فانية وفى حاجه اسمها أخره وخافو من الي خلقكو .كلامي ممكن ميتفهمش وكلامي مش مرتب اصلا بس انا قلت الى جوايا والي مضايقني ياريت البرنامح يرجع ينضف تاني زي زمان ونرجع تاني نتخدمه لنفس الغرض الى اتعمل عشانه .

5

9