ليه مش مرغوب فيا؟ حس بالغربة رغم اني ماليش ذنب

Question

اية حل انك بتحس انك لا تنتمي للمجتمع اللي انت منه عن طريق رفضهم ليك بطرق مختلفة رغم ان ملكش اي عداوات معاهم ولا انت عملتلهم حاجة؟

(انت ملكش مكان بيننا ولكن بشياكة واحياناً بوقاحة)

لية مش مرغوب فيا؟

Strawberry_67489 🇪🇬 · Accepted Answer

انت حر تتقبل ناس أو ترفضهم وبرضو هما عندهم الحق دا 
حاول تتعامل مع الرفض بطريقه احسن 
وارفض الي بيرفضك

Ice Cream_61082 🇪🇬 · Answer

مين قالك كدا اى نعم

French Fries_68563 🇪🇬 · Answer

محدش بيقول لحد بشكل مباشر انت مش مرغوب فيك ولكن التهميش بيقول

Kiwi_68560 🇪🇬 · Answer

راجع نفسك وتشوف الغلط في مين

Banana_68335 🇪🇬 · Answer

بص ، للاسف مش هعرف افيدك في الجزئية دي لاني دايما في موقف العكس ، بس احب اقولك اكيد بتعمل حاجة رخمة جدا مع الناس ، بتدخل في ما لا يعنيك مثلا ، او رخم ، او عندك خلفية مختلفة عن البيئة المحيطة . دور علي السبب في نفسك و راجع تعليقات الناس ليك كانت ايه

Ice Cream_61082 🇪🇬 · Answer

من صحابك ولا اهلك ولا المجتمع

French Fries_68563 🇪🇬 · Answer

ارفض مجتمع كامل ؟
انا مأخدتش الفرصة اني اعرفهم انا مين وبعمل اية ؟ 
مش يمكن اكون شخص مفيد ليهم؟ 
مش يمكن اساعدهم بحاجة في يوم من الايام؟

انا فية شخص اتعرفت علية وصارحني بعدها انه كان مش قابلني خالص ولكن بعد معاملة كويسة مني وصداقة دامت لـ ٣ سنين الحمدلله انا كنت سبب بعد ربنا طبعاً في انه يشتغل شغلانة كويسة ويتخلص من الضغط المادي اللي هو فيه وانا فخور بيه انه بقي كدة

Strawberry_67489 🇪🇬 · Answer

قصدي بالرفض دا أن متستناش القبول منهم
أتعامل بس متستناش حاجه 
 طبيعي شخص لسه متعرفه عليه معرفش حاجه عنه يكون فيه قبول مني اوي مع التعامل الدنيا بتوضح

French Fries_68563 🇪🇬 · Answer

والله ولا اي حاجة بالعكس

انا معاملتي لطيفة بشهادة الكل 
وبخدم اي حد وبساعد اي حد بيحتاجني
دمي خفيف وبهزر ومش تقيل علي قلب حد وبراعي النقطة دي

مش بقول علي نفسي ملاك ولكن عندي الحد الادني من ان الناس تتعامل معايا حلو

French Fries_68563 🇪🇬 · Answer

صحابي بيحبوني
اهلي بيحبوني 
مش عارف اندمج مع المجتمع

French Fries_68563 🇪🇬 · Answer

تفتكر مش عارف اندمج معاهم عشان هما مش شبهي ونفس افكاري؟

Ice Cream_61082 🇪🇬 · Answer

كتفم المجتمع

French Fries_68563 🇪🇬 · Answer

كلامك صحيح

Banana_68335 🇪🇬 · Answer

بص هقولك علي قصة ، كان في واحد اعرفوا في مرة وحنا علي القهوة قولنالو يجي يقعد معانا ، من بعدها بقي يجي مخصوص يقعد معانا ، للاسف بقا عارف كل اسرارنا و عارف حاجات كتيرة عننا . هو مكنش مندمج معانا علي طول ساكت و علي طول مستمع لدرجة اننا بقينا ننسي انو موجود ، بس بقا دا يضايق الناس لانه عارف كل حاجة و احنا منعرفش حاجة عنو خالص ، و كمان لو مثلا اتريقنا علي حد يضحك بقينا نضايق منو هو بس

Banana_68335 🇪🇬 · Answer

عشان مش عارفين نتريق عليه في اي حاجة لانو غامض ، و عشان كدا نقي ناس شبهك . احنا قولنهالوا صريحة ميقعدش معانا تاني و انو في اشخاص بتدايق منو

Banana_68335 🇪🇬 · Answer

قعد يقولنا بس انا مضايقتش حد و انو اصلا مكلمش حد ، مكنش مقتنع انو ممكن يكون سكوتو مضايقك

Almond_68435 🇪🇬 · Answer

خلي ليك دور ملموس وخير عليهم