خالو اتحبس وانا صغيرة.. هل أتكلم وقت الخطوبة؟

Question

لو أنا اهلى كويسين و مستوانا كويس الحمد لله و أنا تعليمي كويس و الحمد لله مليش علاقات قبل كدا 
بس خالو كان اتحبس قبل كدا في قضية تار 
الموضوع حصل و أنا صغيرة اوي و عرفت الكلام ده من قريب 
ممكن لما حد يجي يتقدم لي و يعرف حاجة زي كدا يرفضني 
مع العلم ان خالو ده محترم اوي وانا بحترمه و فاكره ليه مواقف كتيرة كويسة معانا حنين و جدع  و أنا أصلا استغربت انه كان في حاجة زي كدا 
المفروض اتكلم في الموضوع ده ولا لا و أقوله ازاي 
احنا بيت عيلة و أكيد الي هيخطبني هيتعامل معانا كلنا

Guava_88398 🇪🇬 · Accepted Answer

ولا يعنيكي في اي حاجة 
اللى هيحبك ويعجب بيكي مش هيفرق معاه الكلام ده
هو مع احترامي ليكي هيتقدملك انتى مش لخالك
الموضوع ده هيعدي مرور الكرام بإذن الله

Pineapple_88557 🇪🇬 · Answer

اللي هيبحبك هيحبك لذاتك ومش يهمه اي حاجه غيرك وشخصيتك  انتي مش حد تاني لو هيحبك هيعمل كل شيء عشانك

Jackfruit_81975 🇪🇬 · Answer

إلى جى ده جى ليكى انتى مش لخالك ولا لاى حد فى العيله ومش هيشتغله ده عمل ايه ولا معملش مش هيفرق معاه الكلام ده المهم فى الموضوع كله انتى

Cookies_57092 🇪🇬 · Answer

لا لا .. ماتشغليش بالك بحاجة زي كدا أساسا .. اللي بييجي يتقدم مش بيتقدم لبنت .. لا .. دا بيتقدم لعيلة كاملة .. والعيلة الكاملة دي مش شخص واحد اللي يفسدها كمنظر وسمعة عشان حاجة زي اللي خالك مر بها دي. واللي شاريكِ مش هايهمه حاجة فرعية زي دي. واللي بيروح بييجي غيره. وربنا يرزقك الخير كله.

Apple_88259 🇪🇬 · Answer

المشكلة أن الخال ده درجة اولى قرابة يعنى ممكن يفكر أن المشكلة دى ممكن تاثر على عياله

Ice Cream_88278 🇪🇬 · Answer

درجة أولى ليا أنا
 لكن أولادي اخويا الي هيبقا خالهم و كدا درجة أولى ليهم 
ف لا هي متأثرش على حاجة