بنزل البوست تاني علشان أول مرة محدش قال حاجة مفيدة... أنا بقالي فترة كبيرة محتاج اروح لدكتور نفسي بجد أنا عندي 18 سنة او هتمها كمان شهر المهم يعني مكنتش عارف اقول لاهلي ولا عارف اروح من وراهم ولما جاتلي الفرصة وعرفت اقولهم كدا في وسط الكلام نسيوا ولا كإني قولت حاجة المهم من شوية لقيت ان في رقم للصحة النفسية اظن تبع وزارة الصحة حاجة كدة، أنا بصراحة بفكر اجرب اتصل بيهم مش عارف انا اللي فهمته ان عندهم خدمات مجانية ومن التيليفون بس مش لازم اروح مکان، وانا اغلب الوقت ببقى لوحدي في البيت ف ممکن اجرب اتصل بيهم، بس خايف مش عارف ليه، بصراحة مبثقش في وزارة الصحة اوي، وفي نفس الوقت ايش ضمني الدكتور اللي هکلمه کويس ولا لا خايف يقنعني اني عندي حاجة بجد وانا اصلا معنديش او يوهمني بأي حاجة، أو حتى لو كان كويس خايف انا مقدرش اتكلم مش عارف بصراحة اجرب ولا اعمل ايه، ومحدش يقولي احكيلي أنا ممكن اساعدك وبتاع، انا جربت احكي كتير والموضوع ملوش فايدة لازم احكي لحد متخصص

0

8