Apple_77475 🇪🇬's منشور

Apple_77475 🇪🇬

منذ شهر واحد

شعور وحيد

السلام عليكم انا عندي 20 وبحب بنت وعايز اتدملها و انا حاليا مش معايا ولاشقه ولا اعرف اجيب دهب و انا لسه قدمي 5 سنين عشان اعمل كل ده و انا وهيا بنحب بعض اوي و مش عايز غيرها و انا خايف تروح مني وانا مش عارف اعمل اي

Watermelon_73043 🇪🇬

منذ شهر واحد

ما اهو أنت لسه مش جاهز ولسه مش هتعرف تشيل مسئؤليه جواز غير بعد اكتر من خمس سنين يبقى سيبها لوجه الله لأنه كده كده ده حرام وهتلاقي نفسك بتسيبها غصب عنك ف سيبها وانت فاهم أنه الظروف متسمحش قبل ما تسيبها وانتم متعلقين اكتر بس عشان نصيب النصيب مهم اوي هي لو نصيبك الدنيا هتدور وقت ما تكون جاهز ولو مش نصيبك انت لو عملك ايه مش هتاخدها

Lemon_77531 🇪🇬

منذ شهر واحد

فى العموم انت لسة صغير على المسؤولية دى حتى لو مقتدر لازم تخوض تجارب فى الحياة عشان تعرف تاخد الرأى السليم مش تخبط وانت متجوز عندك مسؤولية زى دى أدى لنفسك فرصة تعيش سنك وتكون نفسك صح وبعدها أتقدم عشان انت او هى ما تندموا من الصغر حتى لو بتحبوا بعض وقت الجد الوضع هيختلف واكيد هى هتتفهم دة وتستناك.

ملخص المشكلة

خايف أفقد حبيبتي ومش عارف أتدملها

خايف أفقد حبيبتي مش عارف أتدملها مش معايا شقة مش معايا دهب حب الشباب مشاكل الزواج قلق من المستقبل

Avocado_57183 🇪🇬

خايفة خطيبي الغني يشوف وضعنا البسيط ويتغير عليّ

السلام عليكم دلوقتي عارفه ان ممكن موضوعي يكون تافه بس والله التفكير مموتني انا واحده عاديه من اسره اقل من عادي حالتنا الماديه تحت المتوسط والحمدلله بيتنا برضو في حي شعبي بيت اقل ميُقال عنه انه مخزن تفتيش واهلي لما سكنوا غيرو وعملوه شقه على قد حالنا المهم اتعرفت على شاب مع ان دي مش اخلاقي نهائي ولا بطبعي اكلم شباب او الكلام ده بس فضلنا فتره ملقتش منه حاجه وحشه طيب جدع محترم ومن هذا فا الولد ده بان انه من عيله تقيله ومعاهم فلوس وا وا وا وعيلته كبير انا العكس تماماً يعتبر معرفش غير خالاتي وخلاني بس بالمعنى ماما مقطوعه من شجره وبابا مش معانا ف هي اللي بتصرف نكمل حكاية الولد اللي اتعرفت عليه هوا طلب انه يكلم ماما وعايز فعلاً يخش جد بس انا محروجه اوي او حاسه اني مشرحتلهوش وضعنا بما فيه الكفايه وحالتنا الماديه دي بجد موضوع مُرهق مش عارفه اجبهاله ازاي وبعد الوقت ده كله..داخلين على سنتين ولا عمري قابلته كله كلام شات وفون بس لانه من محافظه ونا من محافظه وخايفه يجي يتقدم نظرته تتغير او اهله يبصلنا بصه مش حلوه او ان احنا على قدنا مش عارفه التفكير وجعلي دماغي بنسبالكم هتكون حكايه تافه بس والله خلاص تعبت وبفكر افركش الدنيا قبل ميجي يتقدم او يدخل جد مش عوزاه يشوف حياتي عامله ازاي بيتنا عيلتنا اللي معرفش فيها حد غير كام شخص بسس انا مكسوفه ومُحرجه اوي وكل شويه بفكر انهي معاه واقطع علاقتي بيه بسبب الموضوع ده بس للامانه هوا شخص كويس وتتمناه اي بنت من حيث الخُلق الاحترام الدين الشكل حالته عموماً تعبت والله ونا مش بيهمني المديات خالص بس الفكره نفسها مخوفاني ان هوا اعلى مني ماديا بكتير ونظرته ليا ممكن تتغير او اهله انا يعتبر مش معرفاه حياتنا ماشيه ازاي او معرفاه حجات عني بالكامل لاني خايفه!!! اسفه على الاطاله بس ارجوكم حل ...عرض المزيد

0 الدعم

6 نصيحة

Strawberry_70616 🇪🇬

محتارة أوي أعمل ايه في حياتي بعد التخرج

انا محتاره اوي أعمل ايه في حياتي لسه متخرجه من كام شهر و من بعد ما اتخرجت وأنا تيهه لدرجه إني مستلمتش لسه الشهادة من كتر ما انا بهرب من الحقيقه معتش عرفه اعمل ايه اشتغل ولا اتجوز و ساعات بميل لأني اتجوز و استقر و اعمل بيت و ساعات إميل إني اشتغل بس مش عرفه اعمل ايه صحابي إلي قدي في منهم مخطوب و متجوز و استقر و في منهم بداء يشتغل بس لما باجي أشوف حياتهم برضو مش هو دا إلي ببقي عيزاه بيبقي شغلهم أصلا بره التخصص أو شغل مش حباه و إلي متجوز ببقي شايفه طبعا أن وضع جوزهم دا مش مناسبني بس علي الأقل بيبقو عملو حاجه عيزنها أو مختارنها انا مش بابص ولا يقارن حياتي با حياه حد نهائي بالعكس إلي هما فيه مش عجباني بس خايفه أوافق مثلا علي حد أو جوازه مش عجباني لمجرد أن مفيش رجاله كويسه في الزمن دا و كدا فا أرضي با أقل الخساير أو شغلانه مش حباها عشان أهو اسما بشتغل اعمل ايه بجد تعبت ...عرض المزيد

0 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع