خايفة من الموبيل الجديد وعايزة القديم يتصلح

Chocolate_71988 🇪🇬

منذ 3 ساعات

شعور محبط

انا اقدر اجيب موبيل جديد بس انا مش عايزه انا خايفه من الموبيل الجديد يطلع زي القديم و يبوظ انا عايزه القديم يتصلح علشان كل أسراري و ذكرياتي عليه و كل حاجه بحبها عليه بس المشكله انو مش هيتصلح حتى لو اتصلح و الموبيل الجديد انا اعرف اجيبو بس مش هعرف استخدموا انا متعوده ع القديم (وهنا انا مش قصدي ع الموبيل) حد فاهم💔

ليه بنزعل لما بنفقد حد قريب رغم إننا عارفين الموت حقيقة؟

انا عمري ما جربت شعور اني افقد شخص قريب مني وكنت دايما باسال نفسي ليه الناس بتزعل لما حد يموت رغم ان كلنا عارفين ان هاييجي يوم وهانموت لانو الموت حقيقه مؤكده لعند ما جه اليوم اللي جربت فيه الشعور ده بوفاة عمي الله يرحمو هو مش بس عمي هو صاحبي واخويا وابويا وحبيبي كان كل حاجه في حياتي ساعتها حسيت اني وحيده ساعتها عرفت ليه بيزعلو 🙂 الزعل بيكون افتقاد وعدم تقبل ان الشخص ده مش ها تقدر تكلمو او تحضنو او تبصلو او تشوف ضحكتو لما تزعل مش ها تلاقي حد تشتكيلو مش ها تلاقي اللي يسمعك لان اللي كان بيسمعك مشي 💔 بس بعدين بتلاقي انك بتاكل وبتشرب وعايش عادي اه حزين من جواك ومنكسر بس اكيييد الحياة بتمشي ما بيكونش تخطي او نسيان لانو دايما فاكرين التفاصيل دايما فاكرين وبنقارن بين حياتنا بيه ومن غيرو دايما فاكرين وبندعيلو وبنزعل بس الفكره بتكون تعود وايمان قوي انو اكيييييد الموت حقيقة مؤكده ... لازم تصارح نفسك بالحقيقه دي من دلوقتي وتعرف انو انت ها تموت وحبايبك ها يموتو ولازم تكون جاهز ليوم زي ده اكيد ها تزعل ومش ها تتقبل في الاول لكن بعدين الحياة بتمشي ما بتنساش لكن بتعتاد ...عرض المزيد

8 الدعم

0 نصيحة

بخاف من الزواج ومش بعرف أمن لحد

بجد ازاى بتتجوزوا انا كل ميتقدملى حد واحس انى هعيش معاه فى شقة واحدة بخاف وبتلكك وبفركش واهرب .. وبجد والله غصب عنى مش بأمن للناس بسهوله ودايما ببقا محظره من الناس ومش بعرف ادى الثقة كامله .. هل الموضوع محتاج دكتور نفسى ؟! ولا اعمل ايه بجد انا فقدت ناس كتير غاليه فى حياتى كنت متعلقه بيهم اووى والدى وبعدين جدتى وهى اللى كانت مربيانى وبعدين اختى الله يرحمهم ومن ساعتها وانا مش بتعلق بحد نهائى وبخاف حد يتعشم فيا زيادة ومبحبش علاقة الصحاب الاوفر وسطحيه خالص ف علاقاتى وتعاملاتى كلها بحدود ومش عندى مشاعر خالص .. اعمل ايه بجد ...عرض المزيد

2 الدعم

5 نصيحة