حبيت نحكي لكم و عطوني رايكم انا خطبني واحد مع العلم ما كنتش معاه في علاقة جاني من الباب الواسع ديراكت او ماما ماكانتش قابلة لأني قدمت بزاف تنازلات و لكن شهر و انا نقنع فيها بش اقتنعت ايا كي جاو دارهم رحبنا بيهم بوحد الترحيب وحد الاستقبال بزاااف قيم و شباب كي راحو ما ردش عليا عييت نسقسي و نبعتلو فليميساج و ماما كل دقيقة تدخل تسقسيني يادرا يادرا و انا نقلها مزال ما ردش والو ما رفدش ابخي بوحد 5 سوايع و لا 6 بعتلي ميساج طويل و بلوكاني ديراكت و قالي شروطك ما ساعدونيش مع العلم كنا متفاهمين على شروط و كلش ريقل شغل راسي تقلب قعدت في غموض مش فاهمة حاجة جاوني بزاف أفكار و كنت حاسة بلي الشروط ما همش السبب لي خلاه yrefusi ايا شغل معطانيش فرصة نهدر اصلن غاضتني بزاف بصك قزعني قدام ماما و دارنا بعد المحاولات لي درتها و هو لي كان يحاولني و يقولي حاولي مع ماماك منبعد ديرلي هك ابخي فات شهر على الحاجة هادي و نسيت تقريبا ما وليتش نخمم فيه اصلن مع العلم ماما مزالها تعايرني بالضربة ديك و تقولي حشاهالك و كلش منبعد هدر مع واحد صديق تاعي كان يعمل معايا عنده ( انا كنت نخدم عندو من قبل ) و حكالو كلش و قالو راني باغي نعاود نهدر معاها و نصفي حساباتي معاها .. قالو حاول كي دير و خليها تهدر معايا و نفهمها شا هو السبب الحقيقي اللي خلاني ما نقبلش قاله حاب نتلاقاها و كلش ايا عيطلي سمير صديقي و قالي ها وش كاين و عطيه فرصة يتلاقاك قتلو والو منتلاقاش بيه قالي صحا يعيط لك قتلو مانيش باغيا نعرف صاي بقا يحاول فيا قلت اوكي ايا عيطلي و خليتو يهدر بقيت نسمع و انا ما خليت ما حطيت تاني خرجت كامل واش فقلبي و خليتو يحس بالذنب قالب نقولك الصح ماماك قالت لماما بنتي ما ترفد ما تحط و صي فري ماما قالت بنتي تعرف تطيب و كلش بصح ما نتكلش عليها فكلش انا نشوفها صغيرة بصح ما سمعتهاش قالت ما ترفد ما تحط ايا قتله شا هادي الهدرة قتلو انا ني عاقلة ماما وش هدرت و. ديجا ايدا جات فالقضيان و طياب قتلي لبغا ما تعرفي ديري والو تتعلمي عندي قالي لا المعنى تاع ما ترفد ما تحط زعما ماديروهاش قرصونة ولا خدامة عندكم قتلو ربي يهديك انا ماما والله ما سمعتها قالتها و ادا قالتها نيتها زعما تعلموني و نتوما فهمتوها حاجة ودخرا قالي انا جاتني فراسي ماماك قبلت فوق قلبها و كانت تقارعلنا نجو بش تقولنا هاد الكلمة و تردنا قتلو سما هاك ؟ قتلو انا ماما كي بغيتو تجو خرجتني و شرات الماعين و السرفيس و الماكلة على كل زي و كراتلي قفطان مع العلم انا كنت حابة نلبس روب قاتلي لا ندري لبنتي قفطان مين هي اللولة لي راح تتخطب و كلش و مع تالي تقول دلهدرة ؟ هبلت ماما ؟ مع العلم ماما جامي لكانت فرحانة بحاجة تخصني كيما داك النهار مالا قتلو لافوت ما في ماما ما ماماك كدابة قتلو لافوت فيك نتا لي مرفدتش تيليفون و كونفيرميت قتلو كون جيت صح انتيريسي كون رفدت تيليفون و سقسيتني اسكو ماماك قالت هاك و انا نقلك و ادا ما امنتنيش نفوت لك ماما و تقولك شا قالت قالي والله ما خممت فهاديك دقيقة و تقلقت و تنارفيت و غاضتني ايا منيعد قالي نتي أكثر بنادم معنديش معاه بروبلام و نتي مربية و بنت فاميليا مي سوء تفاهم بلاك صرا .. و منبعد قالي ديجا نقلك ماما عاودت سقساتني عليك .. ما رديتش عليه سكت منبعد قعدنا ساكتين و قالي اسكو نتي مزالكي انتيريسي ما رديتش عليه قلبتلو سيجي و بقا يقولي والله اسمك مزاله على لساني من كثرت لي والفتك قالي ديجا صاي منزيد نشوف تاوحدا .. ايا انا قتلو بسلامة ربي يهنيك و انا مزالني صغيرة و ربي يلاقيني بواحد يفهمني و يواجه في مواقف هكك مشي يبلوكيني و يروح و ما حتى يفوت شهر يعيط ايا حس بالذنب ايا قالي رواحي عندي للريسطو نرحب بيك أفضل الترحيب و تستاهلي ايا منبعد كس قطعنا حسيت روحي ريحت كي خرجت شا فقلبي بصح حسيت مزال عندي مشاعر منجيهتو ... بصح ني طيحتها باردة و زيد بغيت نسقسي ماما لا قالت هاديك الهدرة مي ني خايفة تقولي ما قلتهاش و يبقا غير هو لي متزوجيش بيه .. شغل هيا عارفتني انا نسامح بلخف .. سما قادرة تقولي فدقيقة جا بغيتي توليلو منيش عارفة واش نحكي لها شا صرا ولا لا و في رايكم يستاهل نرجع معاه ؟

1

2