خطة رمضان بسيطة والى عاوز يزود يزود من عنده اعانكم الله علي البر والتقوى 1- نية الصيام من القلب 2-عدم إضاعة الصيام ويبقي ما اخدتش منه غير العطش والجوع 3- لو فيه ابواب تسهل لك المعاصي اقفلها من دلوقتي قبل دخول الشهر الكريم 4-لاتنسوا أن رمضان من الأشهر المحرمة الي الحسنة فيه أجرها مضاعف والسيئة عقابها أشد ندخل بقي علي الخطة 1- الصلاة في أوقاتها حتي تبقي سهلة ما تكسلش وتضيع 2- بعد كل صلاة اقرا من المصحف 4 صفحات كدا هتكون عملت ختمة كاملة في الشهر عاوز تزود الله يعينك 3- بعد صلاة الفجر اقرا الاذكار الصباح وقبل المغرب اقرا اذكار المساء 4- بعد كل صلاة تصلي علي النبي 200 مرة تقريبا هياخدوا حوالي 12 دقيقة وتذكر الله بالذكر الي تحبه ولو اني افضل نقطة رقم 4 دي تبقي اليوم كله كل ما تلاقي نفسك فاضي في مواصلات أو شغل أو غيره اذكر الله وصلي علي النبي 5- يا سلام لو كل كام يوم تصلي صلاة التسابيح أجرها عظيم ابقي ادخل علي علي جوجل واعرف ازاي تصليها 6- عدم إضاعة الصيام باذي غيرك أو نظر للمحرمات أو عقوق والديك والناس الي بتدخن عندها فرصة عظيمة تقلل تدخين أو تمنعه 7- نزل كتاب وصايا الرسول والأحاديث النبوية وكل يوم لو تقدر تتدبر وصية وحديث وتعمل بيهم هتلاقي نفسك بتتخلق بأخلاق النبي يارب نكون كدا لو حد عنده اي نصيحة يقدمها ليا جزاكم الله خيرا

2

0