انا بخاف من الوقت ، انا متاكده انه ده مش طبيعي بس مش فاهمه سببه و ازاي اعالجه ، انا بخاف اكبر بخاف اشوف الناس حواليا بتكبر و تتغير و مش قادرة استوعب فكرة اني كنت طفله و اني في يوم هبقي ام و الوقت هيعدي و كل ده الموضوع ده بيرعبني و كل ما افتكر ذكري مثلا من امبارح اتخض و اقول ده ازاي من الماضي انا وقتها مكنتش حاسه انه هيبقي ذكري ، الموضوع بالنسبة لي مش عارفه اشرحه بس اكيد مش طبيعي لدرجة اني ببقي عايزه اصور كل حاجه و اسجل كل لحظة لحسن يعدي الوقت و اللحظات دي تفوت ، و جزء من خوفي هو ذاكرتي انا بنسي كتير اوي و ساعات حتي بفتكر الحاجات غلط او بشكل مشوش جدا فده بيخليني احس انه كل لحظة بتعدي ممكن مفتكرهاش تاني و بيخليني عايزه اسجل كل لحظة بتعدي عليا ، لدرجة اني محتفظه بحاجات ملهاش اي لازمة بس خايفه ارميها و اندم مع ان و هي موجوده مش بعبرها اصلا و لا ببص فيها ، انا شايفه انه انا لازم اتعالج بس انا اصلا مش فاهمه ده ايه و ايه سببه و ازاي اعالجه

3

6