دخلت عالم البرمجة و السايبر سيكيوريتي مع انو مزال في البداية و راني متفاجئ من صعوبة ، كل ما تقابلني حاجة جديدة ايام نوالفها و نفهمها برك مش نطبقها يعني غير مخي يستوعبها شوي نزيد نلقى الاف المعلومات منفهم فيهم والو المشكل كي سعات نحس امر صعيب و يتطلب سنين مع انو انا ندقق بزاف و نحب نفهم كلشي بصح دومان كيما هذا مش هذا حقو في العالم كل و حسيتو صعيب بزاف و ملايير المعلومات لازم تستوعبها و تحفظها مش ساهل تعدي و خلاص ، المهم منيش عارف نكمل ولا نحبس قادر ولا مش قادر مع انو نفهم شوي فالحواسيب و بالنسبة للدومان منفهمش مزلت جديد ، دخلتو كشغف طفولة بدون معرفة يعني و صعوبة انا لي حبيتها بصح متوقعتش كيما هكا المهم ربي يكون معنا بصراحة راني حاير انا همي الثراء الفكري و المادي اذا كان راح ياخد مني عشرة سنين باش نوصل للشهرية لي نقبلها ( مش اي مبلغ راح نرضاه صراحة ) هدف تاعي 12500€ شهريا و مش عاجبتني بزاف و هل الخدمة هذي راح تكلفني سعادتي يعني نستغنى عن اجواء الراحة و العطل مش عارف والله كنت قابل اي صعوبة اليوم حبيت نفهم اكثر لقيت البرمجة وحدها صعيبة مع اني نعرف غير print المهم لي عندو افادة يفيدنا و اجركم على الله صراحة عالم كبيييييييرر جدا جدا جدا جدا و سبحان الله كاين ناس مشاء الله قمة في علوم الحاسوب و الحماية انا كي بديت حاب نفهم و نعرف كل معلومة في الدومان من الأول للآخر بعد خمس سنين من الدراسة راح نجاوب روحي اذا نقدر اولا و اليوم اشارة اخرى نزيد نجتهد اكثر نحط عادات جديدة تبالي نولي نقرى اكثر من خمس ساعات بنظام و نزير روحي اكثر المهم راني غير نفرغ في ظغط تاع كثرة المعلومات خير من نفشل و نبطل و المهم نعاود ندير بروغرام صارم و نكمل فيه و نظن راح يعزلني اكثر على الناس طبيعتي مؤخرا عازل روحي حتان ملقى نتائج واضحة و مفيدة المهم الانظباط حاليا و ربي يوفقنا و يرزقنا الاجتهاد و يسهل علينا الفهم و شكرا

0

1