من اول السنه وانا درجاتي ف امتحانات الاحياء وحشه وأي مادة بقدر اقفلها عادي الا المادة دي واغلب درجاتي بتكون ٥٣ أو ٥٢ من ٦٠ مع اني بذاكر كويس اوي لكل امتحان بجد وبعمل كل ال المستر بيقول عليه وبحل كتير ودايما بيقول ان انا شاطرة وان شاء الله هبقا دكتورة وكدا المهم طبعا الدفعه كلها عارفاني وانا مش قريبة مش حد وبمشي لوحدي ومش حابه اصاحب حد منهم المهم ان ف كل مرة المستر بيوزع الامتحان بيكون متوقع اني ع الاقل اجيب ٥٧ بس بكون نازله كتير وفيه عيال بيكونو جايبين ٥٩ و٥٨ وأرقام ف العبيط وبرضو مكنتش بهتم خالص ف الاول وبشوف انا غلطت ف ايه وبقول المره الجايه هركز اكتر لحد ما جيت ف شهر ١٢ كنت زعلت جامد لما لقيت ان انا لسا بجيب نفس الدرجات وبدأت افكر ال هو يعني انا عقلي ميوصلنيش للدرجات دي ليه وافكر بطريقه وحشه والمستر قالي فكك ولسا فيه امتحانات جايه لعل وعسى متتظلميش فيها والامتحان ال بعده كان ف شهر ١ جبت فيه ٥٢ برضو ودا بقا كنت عيطت ف الدرس والمستر وقف الحصه وقالي انا هقولك يا دكتورة السنه الجايه وبقولك كدا عشان متتهزيش وعشان احط عليكي ضغط انك متخذيلينش عشان مش ابقا متعشم فيكي خير وتخذليني وبعد الحصه قالي انا مبقولش لحد كدا غير لو واثق ف ال قدامي وكدا المهم ان انا عرفت إن البنات ال بيجيبو الدرجات دي بيبقوا غاشين اصلا وفيه واحدة بتقعد تسأل المستر كتير لحد مابقا عارفها ودي بتفتح الكتاب ف الامتحان وبحل بالرصاص ولما يتعملها غلط تمسحه وتكتب الصح تروح للمستر تعيط ف يزودلها الدرجه ف بجد انا لما عرفت الموضوع دا زعلت على نفسي اوي ال هو اكيد ف الاخر هطلع انا ال مستوايا مش واصلهم والفكرة ان البنت دي كانت بتيجي تتكلم معايا كذا مره وانا باخدها على اد عقلها ومن كام يوم جت وقالتلي انها هتمشي معايا لدرس الرياضه ف قولتلها ماشي عشان المستر هو ال قالها ان انا بروح عند المستر دا وحرفيا كل كلامها عن مستر الاحياء حرفيااا مبتتكلمش غير عنه وانا متاكدة انها بتكلمني عشان هو عارفني والحصه ال بعدها تيجي تقعد جمبي هي بجد كويسة بس انا كل ما بتعامل معاها مبكونش شايفه غير ال سمعته عنها ومش ببقا حابه اتكلم معاها ومش عارفه هل اتعامل ولا كأني سمعت حاجه ولا افكسلها خالص

0

0