مش عارفة أقرر أوافق على مين في جواز

Question

انا محتاجة الرأي ضروري و يكون عن فكر لو سمحتم 
اوافق اتجوز حد في نفس بلدي و الظروف صعبه شوية يعني و هو بيحبني جداً على كلامك و افعاله بس هو عندة طباع صعبة اوي 
وش مش عارفة شكل حياتنا بعدين هيكون ايه 
ولا اوافق بشخص تاني من دوله تانيه و هنعيش في دوله غيرها كمان بس اوروبيه و هو بيحبني بردو لان انا اعرفة من زمان و علاقتنا تتقطع و ترجع تاني و شوفته بس لمدة اسبوعين على مدار سنين و اعتقد البلد دي هتمون محسنه ظروف حياتنا لكن انا معرفش هقدر على اختلاف البلاد دي ولا ايهو انه لما يكون عنده احازه هيسافر لاهله ولا اهلي ؟ 
و هعرف اعيش لوحدي هتدايق ولا هرتاح مش عارفة ! و انا اهلي مش موافقين و قلقانين بس حاسة ممكن يوافقو و لو وافقو هيكون بأنهم يخلو مسؤليتهم و  اتحمل نتيجة كل حاجة
انا مش عارفة اعمل ايه 
بفكر لقدام لمستقبل ولادي و لشكل حياتي و مش عارفة اقرر 
و الشخصين جادين في الجواز 
و خاصة ان حياتي الاسرية مكنتش افضل حاجة و مش عايزه اتعذب في حياتي الجاية كمان!

Strawberry_74327 🇪🇬 · Accepted Answer

هو العامل الاساسي وتركيزك بيكون علي الشخص نفسه اكتر من ان هو عايش ف نفس البلد اللي انتي فيها او عايش ف دولة تانية 
يعني دورى علي شخص يتقي ربنا فيكى ويحافظ عليكي ويكون قادر يتحمل المسئولية ويكون سند ليكى وقادر يغير حياتك للاحسن زى مانتي عايزة وكمان يكون اب كويس ويصلح لدة مينفعش حد يقولك اختارى مين محدش عايش مكانك انتي بس اللي هتكوني عارفة اي المناسب ليكى 
وكمان انتي من تعاملك معاهم شايفة نفسك مرتاح

Banana_66129 🇪🇬 · Answer

ميغرقش من فين  المهم يكون بيحبك وانتي مرتاحاله

Apple_80881 🇪🇬 · Answer

اوبيه احسن وافضل ليكي كشخص وطباع

French Fries_76752 🇪🇬 · Answer

وافقي علي اللي يفهمك وتفهميه وتبقي مرتاحه ومطمنه معاه واللي تبقي واثقه أنه مش هيخذلك في يوم من الايام

Peanut_83644 🇩🇿 · Answer

الحب ليس كافية

Blueberry_28090 🇪🇬 · Answer

صلي استخاره وادعي ربنا يدبرلك الي فيه الخير

Chocolate_61951 🇪🇬 · Answer

الي طبعه احسن أنتِ بتقولي الاول طبعه صعب و ده اكيد نستبعده يعني ليه نجوز واحد طبعه صعب و في الاخر توصل بينا الطرق للطلاق اما التاني فا كلامه هو كويس و بتحبيه تتأكدي من كام حاجة اولا أنه هيصونك ولا لا و في حتت انك عايزة تسافري في الإجازة لأهلك ممكن اتفقوا معاه نص الإجازة لأهله و النص التاني لأهلك و الاهم انك تسافري معاه دولته الاوربيه متفضليش في مصر مع أهله ولا حاجة حتي لو أهله كويسين

Cherry_79678 🇩🇿 · Answer

ليش مستعجلة اعطيله وقت

Potato_52714 🇪🇬 · Answer

لو الطبع مش مريح معاكي بلاش منها سيره كل حاجه ممكن تتغير ماعاد الطبع لو مش متوافق معاكي بلاش شوفي اللي ترتاحوا نفسيا مع بعضكم اللي يضيف توتر و صعوبه لحياتك

Coffee_80700 🇪🇬 · Answer

اتجوزي اللي بتحبيه احسن عشان متندميش ولا انتي اصلا مش بحبي حد فيهم ؟

Ice Cream_76740 🇪🇬 · Answer

اختاري الدولة الاجنبية طبعا و الظروف الافضل و الحياة الافضل لكى و لاولادك فى المستقبل

Chocolate_83376 🇪🇬 · Answer

مش معنه انو قلك بحبك يبقي بيحبك صلي استخاره كتيير و فكري كوايس فل حالتين

Ice Cream_77728 🇪🇬 · Answer

هو مش مصري و السفر صعب يعني صعب نسافر هنا و هنا 
هو اصلا هشان يتمم الحواز هياخد اكتر من سنه بسبب الاجازات و الاجراءات

Ice Cream_77728 🇪🇬 · Answer

والله صليت كتير و لسه في حيره و قلق

Ice Cream_77728 🇪🇬 · Answer

بفكر فيا و بفكر في قلق اهلي و اني هسيب مامتي لوحدها و بصراحة متلخبطة جداً من كتر القلق مش عارفة اعمل ايه دا غير ان بحس اللي بينصحني بيديني نصيحة حسب الامن و الاريح ليهم يعني خليكس هنا جمبنا هنعرف نساعدك لو في حاجة و كلام كدا

Watermelon_83605 🇩🇿 · Answer

علي حسب مافهمت انت شفتيه لأسبوعين قررتي انك تتزوجيه خطأ هذا و اصلا انت قلتي بفمك ان طباعه سيء و لي يحبك  مهما كان وحش معملكش بسيء هادي اولا ثانيا نصيحة ماتختاري مادة علي راحة بالك مهما كلفك امر

Coffee_52917 🇪🇬 · Answer

الاول طباعة الصعب دا عيب كبير جدا هتتعبي اوي و التاني حتى لو الاهل قالولك انتي الي هتتحملي النتيجة ف من رايي دا عشان يخلوكي تعيدي حساباتك لو هو فعلا شخص كويس و حنين و متفاهمه معاه اختاريه و سافري معاه و زيارة الاهل ممكن تتقسم و تتحل حتى لو انتي نزلتي اسبوعين لوحدك لاهلك هيبقى في حلول و هناك برا مصر حياتك انتي و جوزك هتبقى لبعض يعني مش هتبقي وحدك دا غير اكيد هتتكونلك حياة هناك واحده واحده هتتاقلمي

Mango_68024 🇪🇬 · Answer

بصى هقولك حاجه انتى جاوبتى ع فكرا 
انتى بتقولى الطباع صعبه شويه وطالما قولتى كدا يبقى هيكون صعب شويه تتأقلمى مع الطباع دى شويه لقدام تانى حاجه اختارى الراجل اللى تبقى شايفه الحياه والمستقبل معاه فيما بعد مش لازم تشوفى الرؤيه ١٠٠% ولكن ع الأقل تكونى مرتاحه انتى فهمانى وطالما لم تذكرى طباع الشخص التانى معنى كدا انك راضيه ضمنيا على طباعه ومعندكيش مشكله معاها

Biscuit_51163 🇪🇬 · Answer

بسم الله 
بختصار سريع من حالات عدت عليه وشفتها وي في الي عشرتهم
الاول ده الي في طباع صعبه انا نصحتي متوفقيش لان لو كان كويس 100٪ بيبقي لسه في عيوب شديده جدا في فكرت العيش في بيت واحد ولحياه الجديده ديه ولعيوب ديه بتوصل لي الطلاق لقدر الله وده كلو لو اصلا من الاول  100تمام اما لما يكون فيه طباع صعبه فا ديه حلامه حمره كبيره متقبليش غير بكل الي عيزاه علشان لسه هتشوفي جوه حجات مختلفه ده اولا

Orange_67628 🇪🇬 · Answer

وانت ايه اللي عرفك ان التاني طباعه كويسه مش صعبه كل حاجه بتبان بعد الجواز اذا كان الشخص سيء او كويس بس في الاول والاخر ده قرارك وانت اكيد تعرفي حجات كتير احنا مش عارفنها عن الطرفين وصلي صلاة استخاره وادعي ربنا ان يكون اللي هتختاريه يبقا الاصلح ليكي

Biscuit_51163 🇪🇬 · Answer

اما ثانيا الي في بلد اوربيه ديه نصيحه خصيه بردك لا لان ده هتبقي بعيده عن اهلك لان معلش لو حصل فيكي اي حاجه محدش من اهلك هيعرف يسعدك ولا هيعرف يوصلك ومهما كان طيب وملاك وبيموت فيجي الكلام ده مياكلش عيش لو قلب عليكي مش هتلاقي حد يحميكي منه نع العلم انا ولد ولحلات ديه مرت ادامي فا بنصحك من وجه الاحتياط ولو عريسين زي دول جم لي اختي وربنا يكتبلك الي فيه الخير

Mango_76818 🇪🇬 · Answer

صلي استخارة وسيبي ربك يختارلك هو عارف الخير فين واي الصح ل حياتك

Kiwi_76411 🇪🇬 · Answer

علي كلامك طباع صعبه وظروف صعبه اكيد الانسان هيختار الحاجه السهله اللينه وبالنسبه للاجازه اكيد هتتقسم مثلا وفي كل الاحوال الانسان بيتحمل حياته بعد كده ومحدش بيشيل معاه وانك هتعيشي لوحدك ده بقي ع حسب انتي اجتماعيه وفي هنا علاقات وقرايب ودخول وخروج كتير ولا مفيش كده العادي

Mango_83439 🇪🇬 · Answer

الحب مش كفايه خالص لو التاني عنده طباع صعبه فا مهما كان بيحبك حياتك هتبقى وحشه وحياه ولادك في المستقبل فا ده نسبعده لكن التاني ممكن 
يعني العيشه برا احسن بكتير من مصر الحياه هتبقى سهله وأولادك في المستقبل هيكون متاحلهم عيشه مرتاحه بس لو كان الشخص اللي متقدملك ده كويس فعلا يعني بيحبك هيهتم بيكي انسان سويي إلي حدا ما كده يكون طبيعي وقادر يشيل مسؤوليه 
صلي استخاره واللي فيه الخير ربنا يقدمه ربنا❤️

Blueberry_79752 🇪🇬 · Answer

الاتنين مش مناسبين