هحكي كل حاجه بكل صراحه وارجوكم بلاش كلام يضايقني ولا حد يقل ادبو ، انا ربنا ابتلاتي السنه الي فاتت ابتلاء صعب اوي وللاسف اول مرا في حياتي اسقط او حتي اجيب ملاحق كوني كنت شاطره دراسياً ، السنه الي فاتت والي قبلها كنت بعمل ذنوب كتيره ومبقتش حاسه حتي بشعور الندم بعد ما اعمل الذنب ، كنت ببين شعري من الطرحه بطريقه مبالغ فيها وجت فترة وقلعتها وللاسف ملقيتش الي ينصحني بابا وماما مكانوش معترضين علي النقطه دي تاني حاجه كنت انا اسفه اني هقول كدا بس كنت بشاهد بو*ر*ن ودا بسبب صحابي الي حسسوني انو عادي وان كل المراهقين بيعملو كدا "احنا عندنا ١٦ " وكنت كلمت ولد مع اني مكانش ليا في كل دااااا، أحياناً كنت بزعل من نفسي وكنت كل الي بقولو يارب غيرني للاحسن لحد ما ترضي عني ، سبحان الله من ساعت ما حصلي الابتلاء دا وانا رتبت وصلحت كل غلطاتي من اولهم بعدت عن الكام بنت مش كويسين صحابي تاني حاجه وقفت خالص اني اتفرج علي حاجات حرام تالت حاجه وهي اني واحده واحده وبدأت اداري شعري ومش شعري بس وكمان رقبتي وبقيت قاصه ضوافري علطول وحطيت اي حاجه ليها علاقه بضوافري تحت السرير صعب اني اطلعهم ،وبس كدا كل الي عاوزه اقوله ان سبحان الله ربنا بيعطينا ابتلاء علشان يرجعنا بيه لطريقه من تاني وانا فرحانه دا دليل ان ربنا فعلاً عايزني اتوب وارجع والحمدلله اهتميت بدراستي وبإذن الله ربنا يوفقني وانجح السنادي ربنا مش بيعمل حاجه تضر البني ادم ابداً الحمدلله ، ولو حد يعرف طريقة ساعدتو انو ينتظم في صلاته يقولي وربنا يهدينا جميعاً ويردنا لطريقه ورضاه

5

10