السلام عليكم.... كنت بقلب في التيك توك، عدّى قدّامي آيتين. آيتين ناس كتير بتقرأهم ، بس قليل ما تلاقي حد ركز و حاول يشوف المعنى بجد. الآية ٢٧،٢٨ من سورة النساء. {وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا} (٢٧) {يُرِيدُ اللَّهُ أَن يُخَفِّفَ عَنكُمْ ۚ وَخُلِقَ الْإِنسَانُ ضَعِيفًا }(٢٨) يمكن يبانوا آيتين عاديين بس معناهم فعلًا تقيل تعرف يا صديقي ان ربنا بنفسه هو اللي عايزك تتوب هو مش محتاجك و مش مستني منك اي حاجه و مش هيستفاد بتوبتك بأي شكل يمكن تقول هو ربنا هيعمل بيا ايه لو انا توبت و هو انا هضيف لربنا ايه يعني الحقيقة انك فعلًا يا صديقي مش هتضيف لربنا اي حاجه بس ربنا عايزك عشانك انت مش عشانه عايزك ترجع لأنه عارف ضعفك و عارف انك من غيره بتتعب و عارف ان الغلط بيغلبك و عارف انك بتحاول كتير اوي ربنا قالهالك يا صديقي بوضوح { وُ خُلِقَ الْإنسَانُ ضَعِيفًا} يعني ضعفك معروف و غلطك مش حاجه جديده و بُعدك عن ربنا مش نهاية لكن دايمًا الباب مفتوح تخيل لو صاحبك اللي بتعزه اكتر من اخوك و غلطت في حقه مره و اتنين و تلاته و الف اكيد هيبعد و مش هيحس بالذنب نهائي ربنا بينادي عليك خمس مرات كل يوم وانت ساعات كتير مبتردش و بردو فاتح الباب ليك و بردو مستنيك و بردو بيقولك انا عايزك ترجع وانا عايز اخفف عنك عشان بحبك و خايف عليك من اللي هيحصل لما تتحاسب يمكن تكون بعيد يمكن تكون تايه يمكن شايف إنك بتغلط كتير و مش مؤهل للرجوع بس طول ما فيك نفس و طول ما قلبك لسه بينبض فالباب لسه مفتوح ارجع حتى ولو بخطوة حتى لو بكلمة حتى لو بنية صادقة ربنا عمره ما رد حد ولا هيعملها معاك صلّوا على النبي.

8

2