ردي ليكي عن فكرة ربنا وليه مش لازم يتشاف

Popcorn_85636 🇪🇬

منذ يومين

شعور خجول

انا عارف انك مش ملحدة وانا كنت زيك كدا ف فترة وخصوصا وانا مسافر بدرس برا دا ردي عليكي @blueberry 📍انتي متضايقه مش من فكرة ربنا انتي متضايقه من فكرة انك تفضلي مؤمنه بحاجه انتي حاسه انك مش فاهمه شكلها 📍بس هو ليه احنا متخيلين ان ربنا لازم يتشاف بعنينا؟ احنا نفسنا الروح اللي جوانا مش شايفينها… ومع ذلك واثقين انها موجوده 📍فكرة الاله الواحد مش فكره غيبيه بس دي فكره منطقية… النظام الواحد وراه اراده واحده مش صراعات قوى كتير 📍المعجزات زمان كانت صدمة لعقول الناس وقتها دلوقتي اكبر معجزة قدامنا ان الكون كله ماشي بقوانين ثابته ودقيقه 📍سؤالك عن ربنا جه منين مبني على ان اي حاجه لازم تبدا بس لو كل حاجه ليها بدايه… يبقى لازم في نقطة مش محتاجه بدايه اساسا اللي بيدور بصدق مش بعيد عن ربنا هو بس في طريقه ليه 🙏

ربنا مش حارمني.. عايشة بستره وكرمه 🤍

ربنا مش حارمني من حاجه بالعكس انا ف زحام من النعم وعايشه بستر ربنا وكرمه وانقاذه ليا ف كل ليله كنت فاكره من شدتها انها الأخيره ف اقل حاجه ممكن اعملها اني اأدي فروضي وعشان اأديها ف مواعيدها بفتكر دايماً ما الحاجه التي قد تفوتك وانت بين يدي قاضي الحاجات ! ربنا يهدينا جميعاً لما يحب ويرضى 🤍 ...عرض المزيد

13 الدعم

2 نصيحة

احساسي ان الله يحبني وبيعيني

نعمه من ربنا انه بيعيني على كل حاجه ف كل الليالي ال كنت بقول مستحيل تعدي وعدت بفضله ف كل أذى شوفته واترد فيهم وافتكر آية {لا يضل ربي ولا ينسى} مش بينسى كتمان الأذية ولا الصبر على أي حاجه صعبه على نفسي ومش بس كدا دا احنا بنؤجر على كل لحظة قاسية وكل دمعة وكل معاناه وكل صبر شعور الإنسان ف اضيق لحظة عليه ان الله يمن عليه ويصاحبه طول دنياه وآخرته حرفيا من احلا المشاعر ال حسيتها هو احساسي ان الله يحبني من مواقف كتيرة بتحصل معايا رب الكون يراني انا! انا الذرة المنسية عند البشر وينظر ليا ويحبني ويسمعني ويحرسني وييسر لي ويدبر أمري ويعلم مخاوفي وخفايا نفسي رغم اني مقصرة اوووي فعلا احنا مش مدركين اد ايه ربنا رحيم بحالنا منعرفش ازاي بيسخر المواقف والأحداث والمفاجآت منعرفش ازاي يبعد عننا حاجه بتحبها لشر مش مدركينه وازاي بيقرب حاجه مش بتحبها لخير منعرفهوش ف الحمد لله على ما لم نحط به خبرا سبحانه ما ارحمه! وما أحوجني. ...عرض المزيد

6 الدعم

1 نصيحة