رسالة مش هعرف ابعتها.. وحشتني يا حبيبي

Tofu_64198 🇪🇬

منذ 19 ساعة

شعور محبط

رسالة لأحدهم مش هعرف ابعتها : طب احنا كده خلاص ، طب ليه لما يجي حد كويس و شبهي الموضوع ينتهي عشان الظروف ، وحشتني الاربع ايام دول ، و مش عارفة احنا كده خلاص ولا انت لسة بتحاول عشاني ، دماغي بتودي و بتجيب و للاسف في الشهر ده انا اتعلمت بيك ، عايزة اخد رأيك في اللبس الجديد عايزة احكيلك دنيتي ماشية ازاي اليومين اللي فاتوا ، وحشتني يا حبيبي ، انا عمري مقولتلك يا حبيبي عشان حرام و كان نفسي ربنا يبقى راضي عنا بس انت حبيبي

واحشني شخص ومش عارفة ابعتله ولا لا

بتعمل ايه لو شخص واحشك اوي بس انت مينفعش تكلمه عشان لو رجعت هيبقا معندكش كرامة. أنا عارفة ان هو بيفكر فيا بس مش عايز يدخل يكلمني عشان أنا اذيته. بس أنا اعتذرت وهو مسامحني بس اخترنا نبعد عن بعض. وانا متأكدة ان هو بيفكر فيا زي ما بفكر فيه. بس أنا مش عارفة هل الصح اني ادخل ابعتله ولا لا. هو الوحيد اللي كان بيفهمني وبحب اتكلم معاه وبرتحله. ...عرض المزيد

1 الدعم

4 نصيحة

بحبه من زمان ومش عارفه انسى أو اعترف تاني

انا بحب شخص من بعيد لبعيدبس انا بحبه من زمان اوي وهو مش داري آخره معايا كام eye contact وابتسامه ونخبط فبعض بس ، متكلمناش قبل كدا غير كام مره بس ، يعني حب من بعيد لبعيد ، بس انا فيوم تعبت من الحاجه الي ملهاش مسمى الي احنا فيها دي ورحت كتبت رساله طويله اعتراف ليه ، واديتهاله وقلتله يقرأها لوحده فالبيت بس هو كام معاه صحابه وحركات الشباب الي فاكرين نفسهم روشين لما بيعملوها ، اخدو منه الرساله فور ما انا مشيت وفتحوها وقرأوها وفوق كدا مرضوش يخلوه يقرأها ورموها وهو مقرأهاش وهو معرفش اني بحبه ، انا بحبه او وبحبه من زمان وحاسه انه كمان بيحبني بس مش راضي يبادر ، شاكه انه بيحبني لإنه بيقعد يبصلي كتير وكل ما اعدي من قدامه يبصلي هو مش بصباص علفكره يعني مش بيبص لبنات تانيه ، وبيقعد يبتسملي من بعيد ودايما لما بنكون فمكان واحد بيتعمد انه يكون الاقرب ليا ، وكذا مره حط ولبس حرفي ، وحصلت حاجات كتير تاني تدل انه معجب بس عمره ما اعترف ، وانا تعبت من الجو الي احنا فيه دا وان مفيش مسمى لعلاقتنا ، هو مفيش علاقه اصلا عشان نسميها ، انا بحبه بجد بس مستحيل اروح ابادر تاني واعترف ، انا حاولت انساه بس معرفش ، خايفه انساه ويطلع بيحبني وخايفه افضل احبه واتعلق بيه اكتر ويطلع مش بيحبني ، حاولت انسى عشان عارفه كله هيقولي حاولي تنسي ، حاولت انسى بس معرفتش ، لازق فدماغي وقلبي وعقلي مش بفكر إلا فيه كل مبعمل حاجه بفتكره عالق معايا بشكل غير طبيعي ، اول ما بشوف اتنين بيحبو بعض بتخيل انهم انا وهو ، حاولت اوهم نفسي اني نسيته بس اكتسفت بعدين اني منستهوش ، حاولت اقنع نفسي اني بقيت بحب حد تاني عشان انساه بس برضو لأ مفيش حاجه ظابطه ...عرض المزيد

12 الدعم

4 نصيحة